कम्पनीमा संस्थापक समुहबाट कुसुम लामा, कृष्णबहादुर कुँवर र अशोक खड्गी सञ्चालकमा निविरोध निर्वचित भएका छन् ।
यस्तै सर्वसाधारण समुहबाट राजेन्द्र मल्ल, रणकेशव प्रधान र राज गोपाल राजभण्डारीलाई सञ्चालकहरुमा निर्वचित भएका छन् । कर्मचारी सञ्चय कोषको तर्फबाट जितेन्द्र धितालले सञ्चालकको रुपमा प्रतिनिधित्व गरेका छन् ।
साधारणसभा सम्पन्न भएपछि बसेको सञ्चालक समितिको बैठकले सञ्चालक कुसुम लामालाई अध्यक्षमा पुनः सर्वसम्मतीले चयन गरेको छ ।
प्रभु इन्स्योरेन्सले ४६ प्रतिशत हकप्रद सेयर बिक्री गर्ने प्रयोजनका लागि जेठ १४ गते सेयरधनी किताब बन्द गर्देछ ।
प्रभु इन्स्योरेन्सले धितोपत्र बोर्डबाट बैशाख २७ गते १० बराबर ४.६ कित्ता अनुपातमा ३१ लाख ६६ हजार ६७७. ६३ कित्ता हकप्रद सेयर निष्कासन गर्न स्वीकृती प्राप्त गरेको थियो । जसमा विक्री प्रबन्धकको काम प्रभु क्यापिटलले गर्देछ ।
इन्स्योरेन्सले जारी गर्ने हकप्रद बिक्री पश्चात उसको चुक्ता पूँजी बीमा समितिले तोके बमोजिम एक अर्ब रुपैयाँ नाघ्नेछ । हकप्रद बिक्रीपछि प्रभुको चुक्ता पुँजी १ अर्ब ५० लाख ७५ हजार रुपैयाँ पुग्नेछ ।
