विकास बैंक र फाइनान्सको स्प्रेड घटाउने समय थप, सिसिडीमा पनि सहुलियत

Dec 06, 2018 Merolagani

नेपाल राष्ट्र बैंकले विकास बैंक र फाइनान्स कम्पनीहरुलाई स्प्रेड दर घटाउने समय तीन महिना थप गरेको छ । केन्द्रीय बैंकले बिहीबार निर्देशन जारी गर्दै 'ख' र 'ग' वर्गका वित्तीय संस्थाहरुलाई थप सहुलियत दिएको हो ।

यसअघि राष्ट्र बैंकले २०७५ असोज मसान्तसम्म स्प्रेड दर ५ प्रतिशतभित्र ल्याउन सबै बैंक तथा वित्तीय संस्थाहरुलाई निर्देशन दिएको थियो । जसलाई राष्ट्र बैंकले परिमार्जन गर्दै तीन महिना अवधि थप गरेको हो ।

अब राष्ट्रिय स्तरका विकास बैंक र फाइनान्स कम्पनीहरुले पुस मसान्तसम्म स्प्रेड दर ५ प्रतिशतमा झार्नुपर्नेछ। तर राष्ट्रिय स्तरका बाहेकका वित्तीय संस्थाहरुले भने २०७६ असारसम्म स्प्रेड दर ५ प्रतिशतभित्र कायम गर्नुपर्नेछ ।

सिसिडीमा सहुलियत

साथै राष्ट्र बैंकले कर्जा-पूँजी-निक्षेप अनुपात (सिसिडी रेसियो) मा पनि लचकता अपनाएको छ।

अबदेखि बैंक तथा वित्तीय संस्थाहरुले सहुलियतपूर्ण कर्जाका लागि ब्याज अनुदान सम्बन्धि एकीकृत कार्य्बिधि बमोजिम प्रवाह गरेको ऋणलाई सिसिडी गणनाबाट घटाउन सक्नेछन्।

comments powered by Disqus

BREAKING : रसुवागढी र सान्जेन जलविद्युतको आइपिओ भर्ने अवधि थपियो, कहिलेसम्म गर्न पाइन्छ आवेदन ?

Apr 23, 2019

रसुवागढी र सान्जेन जलविद्युत आयोजनाको साधारण शेयरमा आवेदन गर्ने समय थप गर्न धितोपत्र बोर्डले शेयर निष्काशन तथा बिक्री प्रबन्धकहकरुलाई निर्देशन दिएको छ । बोर्डमा लगानीकर्ताहरुले सिडिएससीको मेरो शेयरबाट शेयर आवेदन गर्न नसकेको भनी गरेको गुनासोका आधारमा धितोपत्र बोर्डले यस्तो निर्देशन दिएको हो ।