अनलाइन कारोबारको पूर्वाभ्यास तालिममा लगानीकर्ताको भीड

Dec 07, 2018 Merolagani

नेपाल स्टक एक्सचेन्जले लगानीकर्तालाई लक्षित गर्दै आयोजना गरेको अनलाइन कारोबार प्रणालीको तालिममा लगानीकर्ताको भीड लागेको छ । पूर्ण स्वचालित अनलाइन कारोबार प्रणाली कार्यान्वायनमा आउनु पहिले नेप्सेले आयोजना गरेको कारोबार सम्बन्धि तालिममा लगानीकर्ताको भीड देखिएको हो ।

यसले बजारमा अनलाइन प्रणालीका सम्बन्धमा नकरात्मक टीकाटिप्पणी भैरहे पनि लगानीकार्ता अनलाइन मार्फत कारोबार गर्न आतुर रहेको बुझिन्छ ।

मंसिर १६ गते देखि २१ गतेसम्म संचालीत तालिममा दैनिक ५० देखि ६० जना सम्मले भाग लिने गरेको नेप्सेले जानकारी दिएको छ । तालिममा सहभागि अधिकांश लागानीकर्ताले तालिम लिएपछि अनलाईबाट शेयर खरिद बिक्री गर्ने विषयमा थप जानकारीहरु माग्ने गरेको नेप्सेले बताएको छ ।

वाइको प्रालि र नेप्सेका प्रतिनिधिले अनलाइन कारोबार गर्ने सम्बन्धमा ५ दिनसम्म दैनिक एक घण्टा तालिम दिएका हुन ।

मोक ट्रेडिङ गर्न खासै चासो नदिएका लगानीकर्ताहरुले २३ गते देखि अनलाइन कारोबार आउने भए पछि अनलाइन सम्बन्धी तालिममा चासो देखाएका हुन् ।

के भन्छन् तालिममा सहभागि लगानीकर्ता ?

‘तालिम लिएपछि अनलाइन कारोबार गर्न कुनै समस्या हुँदैन । तर यो सिष्टिममा टेक प्रफिट, स्टप लस, फूट अप्सन, कल अप्सन र कम्पनीहरुको डाटा नहुदा अलिकति अपुरो भएको जस्तो लाग्यो ।’ लगानीकर्ता तेज श्रेष्ठले बताए ।

‘लाइभ कारोबारमा पनि कुनै समस्या नखेदिएमा शेयर बजारका लगानीकर्तालाई धेरै सहज हुन्छ ।’ अर्का लगानीकर्ता सहदेब रायमाझीले भने । शेयर कारोबारमा तोकिएको अधिकतम र न्युनतम सीमाले बजारलाई म्यानुपुलेट गर्न सक्ने उनको बुझाई छ ।

‘आम लगानीकर्ताले सोचेको अनलाइन यो हैन । अहिलेको सिष्टिमलाई तोडमोड मात्र गरेर अर्डर दिने ठाउँसम्म मात्र बनाइएको हो ।’ अर्का लगानीकर्ता सुन्दर खड्काले बताए । फूल्लि अटोमेटेड अनलाइन यस्तो नहुने भन्दै उनले यसको सुधारमा खड्का आशावादी छन् ।

लगानीकर्ता बशुन्धरा मरासिनी भन्छिन् ‘अनलाइन सिस्टम लगानीकर्ताले सोचेको भन्दा फरक जस्तो लाग्यो । तर शेयर खरिद बिक्री गर्नको लागि नै ब्रोकरमा धाउने अवस्थाको अन्त्य अनि कारोबार आदेश रद्ध गर्न सकिने फिचर मन पर्यो । यसले रिस्क कभर गर्न केही सजिलो बनाउला ।’


comments powered by Disqus

शेयर लगानीकर्ताहरुका लागि उपयोगी पुस्तक ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’, भाग १

Jul 08, 2020 07:36 PM

शेयर लगानीकर्ताहरुका लागि उपयोगी पुस्तकहरुको सारंश प्रस्तुत गर्ने क्रममा आज हामी शेयर बजारका लगानीकर्ताहरुले पढ्नै पर्ने पुस्तकमध्येको एक, ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’ को सारंश लिएर आएका छौँ। यस अघि हामीले ४ पुस्तकहरुको समिक्षा प्रकाशित गरिसकेका छौँ।