गुहेश्वरी मर्चेण्टको एघारौं शाखा भैरहवामा, बुटवलमा पनि शाखा स्थापना गर्ने

Jan 21, 2019 Merolagani



गुहेश्वरी मर्चेण्ट बैंकिङ्ग एण्ड फाइनान्स (GFMIL) ले आफ्नो ११ औं शाखा विस्तार गरेको छ। फाइनान्सले रुपन्देहीको भैरहवा देवकोटा चोकमा थप नयाँ शाखा माघ ७ गते विस्तार गरेको हो।

फाइनान्सले चाडै नै बुटवलमा पनि विस्तार गर्ने जनाएको छ ।

नेपाल राष्ट्र बैंक भैरहवाका निर्देशक अशोक कुमार पौडेलले फाइनान्सका अध्यक्ष श्रीमान श्रेष्ठ, पूर्व अध्यक्ष राजेश लाल श्रेष्ठ तथा प्रमुख कार्यकारी अधिकृत दिनेश लाल श्रेष्ठ समेतको उपस्थितिमा शाखा विधिवत रुपमा सुभारम्भ गरेको हो ।

फाइनान्सले चालु आर्थिक वर्षको पहिलो त्रैमास सम्ममा ३ अर्ब ३० करोड निक्षेप संकलन गरी तथा २ अर्ब ९० करोड रुपैयाँ कर्जा प्रवाह गरेको छ । यस अवधिमा कम्पनीले ५ करोड २६ लाख संचालन मुनाफा आर्जन गरेको छ ।

फाइनान्सको चुक्तापूँजी ८० करोड रुपैयाँ तथा जगेडा कोषमा १५ करोड ९७ लाख रुपैयाँ छ ।

बैकिङ्ग सेवामा एटीएम, एसएमएस बैकिङ्ग, इन्टरनेट बैकिङ्ग, इसिसि, आइपिएस, सेफ डिपोजिट लक्कर, रेमिटेन्स, डिपी, सिआश्वा लगायतको सुबिधा रहेको फाइनान्ले जनाएको छ । साथै व्यक्तिगत खाताको लागि ३ लाख सम्मको निक्षेप बीमा सुविधा समेत रहेको फाइनान्सले जारी गरिएको प्रेस विज्ञप्तीमा उल्लेख छ ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।