कर्पोरेट डेलपमेन्ट बैंकले खराब कर्जा उठाएर कमायो ६ करोड खुद नाफा

Jan 31, 2019 Merolagani



कर्पोरेट डेभलपमेन्ट बैंक (CORBL) ले राष्ट्र बैंकबाट समस्याग्रस्त संस्थाबाट मुक्त भएपछि खराब कर्जा असुलीबाट आफ्नो वित्तीय अवस्था सुधार गर्दै आएको छ । यसै क्रममा बैंकले चालू आवको दोस्रो त्रैमाससम्म ५ करोड ८७ लाख खराब कर्जा उठाउँदा बैंकको नाफा ६ करोड ४६ लाख पुगेको छ ।

समीक्षा अवधिमाा बैंकले नियमित कारोबारबाट एक करोड २२ लाख सञ्चालन नाफा कमाएको छ । गत आवको पुस मसान्तमा बैंक ६ लाख ७३ हजार सञ्चालन नोक्सानीमा रहेको थियो ।

बैंकले निष्कृय कर्जा अनुपात सुधार ब्यापक सुधार गरेको वित्तीय विवरण सार्वजनिक गरेको छ । गत वर्ष पुस मसान्तमा बैंकको खराब कर्जा अनुपात ९८।६१ प्रतिशत रहेकोमा ३३।८६ प्रतिशतमा झरेको छ ।

तीन जिल्ला कार्यक्षेत्र रहेको बैंकले खुद ब्याज आम्दानीमा वृद्धि हुदा खुद नाफा बढेको हो । यस अवधिमा बैंकले दुई करोड ४९ लाख खुद ब्याज आम्दानी आर्जन गरेको छ । गत पुसमा बैंकको खुद ब्याज आम्दानी १८ लाख ७४ हजार मात्र थियो ।

बैंकको चुक्ता पूँजी कल इन एडभान्स्ड सहित ३६ करोड २२ लाख रुपैयाँ रहेको छ भने जगेडा कोष तीन करोड ४ लाख रुपैयाँले ऋणात्मक छ ।

पुस मसान्तसम्ममा ११ करोड ९० लाख रुपैयाँ निक्षेप संकलन गरेको बैंकले २२ करोड ८३ लाख रुपैयाँ कर्जा परिचालन गरेको छ ।

बैंकको प्रतिशेयर आम्दानी ३५ रुपैयाँ ६७ पैसा छ भने प्रतिशेयर नेटवर्थ ९१ रुपैयाँ ५९ पैसा छ । बैंकको मूल्य आम्दानी अनुपात ८९ गुणा बढी छ ।




अर्थ मन्त्रालयले भन्याे 'अर्थमन्त्री पौडेल आक्रमणमा पर्नु भएको होइन'

Sep 10, 2025 11:55 AM

अर्थ मन्त्रालयले उपप्रधानमन्त्री एवं अर्थमन्त्री विष्णुप्रसाद पौडेल आक्रमणमा नपरेकाे जनाएकाे छ । २०८२ साल भदौ २४ गते अर्थमन्त्री पौडेललाई आक्रमण गरिएको भन्दै फैलाइएका भिडियो तथा हल्लाहरू भ्रामक भएकाे बताएकाे छ ।