बैंकले चुक्ता पूँजी बढाएपनि खुद नाफामा सुधार गर्न नसक्दा बैंकको प्रतिशेयर आम्दानीमा गिरावट देखिएको हो ।
गत वर्ष ८ रुपैयाँ ६२ पैसा प्रतिशेयर आम्दानी गरेको बैंकको चालु आर्थिक वर्षको दाेस्राे त्रैमासमा प्रतिशेयर आम्दानी ५ रुपैयाँ ९९ पैसा रहेको छ ।
गत वर्ष एक करोड ९२ लाख खुद नाफा आर्जन गरेको बैंकले चालु आर्थिक वर्षको दोस्रो त्रैमासमा एक करोड ५९ लाख रुपैयाँ मात्र खुद नाफा आर्जन गरेको वित्तीय विवरण सार्वजनिक गरेको छ ।
चुक्ता पूँजी १८.७७ प्रतिशतले बढाएर ५३ करोड १६ लाख पुर्याएको बैंकको जगेडा कोष गत बर्षको तुलनामा ४८ प्रतिशतले संकूचित बनेको छ । गत बर्षको पुस मसान्तसम्म जगेडा कोषमा ७ करोड ९४ लाख सञ्चित गरेको बैंकको चालु आर्थिक वर्षको दोस्रो त्रैमासमा जगेडा कोषमा ४ करोड १२ लाख रुपैयाँ मात्र सञ्चित छ ।
यस अवधिमा बैंकले निक्षेप संकलन ५९.२८ प्रतिशतले बढाएर ३ अर्ब १४ करोड १० लाख पुर्याएको छ भने कर्जा विस्तार ६०.८३ प्रतिशतले बढाएर २ अर्ब ८४ करोड ४४ लाख बराबरको रकम परिचालन गरेको छ ।
बैंकले २० करोड ५ लाख ब्याज आम्दानी र १२ करोड ४० लाख ब्याज खर्च गरी ७ करोड ६५ लाख खुद ब्याज आम्दानी गरेको छ । यो गत वर्षको तुलनामा ३७ प्रतिशतले बढी हो । गत वर्षको यसै अवधिमा बैंकले ५ करोड ५८ लाख खुद ब्याज आम्दानी गरेको थियो ।
यस अवधिमा बैंकको खराब कर्जा अनुपात १.२२ बाट १.४७ प्रतिशत पुगेको छ । बैंकको प्रतिशेयर नेटवर्थ १०७ रुपैयाँ ७६ पैसा र मूल्य आम्दानी अनुपात १९.५३ गुणा बढी छ ।
