चालू आवको पुस मसुान्तसम्ममा कम्पनीले ८ करोड ४८ लाख रुपैयाँ खुद नाफा कमाएको छ । कम्पनीको नाफा गत वर्षको यसैअवधिको तुलनामा करिब १ करोड ४६ लाख रुपैयाँले बढी हो । गत आर्थिक वर्षको पुससम्ममा कम्पनीले ७ करोड २ लाख रुपैयाँ खुद नाफा गरेको थियो ।
कम्पनीले यसअवधिमा ५१ करोड ९९ लाख खुद बीमा शुल्क आर्जन गरेको छ । गत वर्ष ४५ करोड ६६ लाख रुपैयाँ खुद बीमा शुल्क आर्जन गरेको थियो । समीक्षा अवधिमा कम्पनीको खुद बीमाशुल्क आर्जन ६ करोड ३३ लाख रुपैयाँले बढेको हो ।
यस अवधिमा कम्पनीले पुर्नबीमा कमिशनबाट १५ करोड ७ लाख रुपैयाँ, लगानी कर्जा तथा अन्य आयबाट ३ करोड ५७ लाख रुपैयाँ आम्दानी गरेको छ ।
कम्पनीले ६५ हजार ४२५ वटा बीमालेख जारी गरी हाल सम्म एक अर्ब ८ करोड १९ लाख रुपैयाँ कुल बीमा शुल्क आर्जन गरेको छ ।
२ हजार ६२१ कुल दाबी वापत १८ करोड ९२ लाख रुपैयाँ दाबी भुक्तानी गरेको छ भने दुई हजार ५९४ दाबीवापत ८१ करोड ७९ लाख रुपैयाँ बराबरको दाबी भुक्तानी गर्न बाँकी छ ।
चुक्ता पुँजी ५३ करोड ८२ लाख ९२ हजार रुपैयाँमा स्थिर रहेको कम्पनीको जगेडा कोषमा ६१ करोड २८ लाख, बीमा कोषमा ४८ करोड ८७ लाख, महाविपत्ती जगेडामा ८ करोड ५ लाख रुपैयाँ सञ्चित छ ।
गत आवको पुस मसान्तमा कम्पनीको जगेडा कोषमा २८ करोड ८५ लाख, बीमा कोषमा ४८ करोड ८७ लाख, महाविपत्ती जगेडा ४ करोड ५९ लाख रहेको थियो ।
पुस मसान्तको वित्तीय विवरण अनुसार कम्पनीको प्रतिशेयर नेटवर्थ ३१९ रुपैयाँ ६२ पैसा र मुल्यआम्दानी अनुपात ४२.४८ गुणा बढी छ ।
