गत आवको पुस मसान्तको तुलनामा चालू आवमा कम्पनीले आफ्नो खुद नाफा ८.८० प्रतिशतले मात्र बढाएको छ । गत आवको यसै अवधिमा ५ करोड ४१ लाख खुद नाफा कमाएको यस कम्पनीले हाल ५ करोड ८८ लाख रूपैयाँ खुद नाफा आर्जन गरेको हो ।
कम्पनीले यस अवधिमा ४१ करोड ५९ लाख रुपैयाँ खुद बीमा शुल्क आर्जन गरेको छ । गत वर्षको यहि अवधिमा कम्पनीले ४० करोड ७८ लाख रुपैयाँ खुद बीमा शुल्क संकलन गरेको थियो ।
कम्पनी पुनर्बीमा कमिशन आयबाट ९ करोड ९४ लाख, लगानी कर्जा तथा अन्य आयबाट ३ करोड ८१ लाख रुपैयाँ आम्दानी गरेको छ ।
५८ करोड ४० लाख रुपैयाँ चुक्ता पुँजी रहेको यस कम्पनीको बीमा कोषमा ४३ करोड १ लाख रुपैयाँ र महाविपत्ती जगेडामा ३ करोड ८९ लाख रुपैयाँ सञ्चित छ ।
हाल सम्म कम्पनीले ७९ करोड ५४ लाख रुपैयाँ कुल बीमा शुल्क संकलन गरेको छ । यस अवधिसम्ममा एक लाख ३ हजार १२१ बीमालेख जारी गरेकोमा ३ हजार ५८४ बीमालेख नवीकरण भएका छन् ।
कम्पनीले ३ हजार ३२ दाबी संख्या वापत ५४ करोड ८६ लाख रुपैयाँ दाबी भुक्तानी गरेको छ भने ३ हजार ७२२ दाबी वापत ९६ करोड ९७ लाख रुपैयाँ भुक्तानी गर्न बाँकी छ ।
कम्पनीको प्रतिशेयर आम्दानी २० रुपैयाँ १६ पैसा, प्रतिशेयर नेटवर्थ २८३ रुपैयाँ २४ पैसा र मूल्यआम्दानी ५२.९८ गुणा बढी छ ।
