नागरिक लघुवित्त पनि मर्जर पार्टनरको खोजीमा

Feb 21, 2019 Merolagani



विं.सं. २०७४ साल माघ १५ गतेबाट वित्तीय कारोबार सञ्चालन गरि सञ्चालनमा आएको नागरिक लघुवित्त वित्तीय संस्था पनि मर्जर तथा प्राप्तीमा जान इच्छुक देखिएको छ। 

कम्पनीले फागुन १७ गते विशेष साधारण सभा डाकेर मर्जर तथा एक्विजिसन प्रक्रिया अघि बढाउन विशेष प्रस्ताव पारित गर्दै आवश्यक प्रकृया बढाउन सञ्चालक समितिलाई अधिकार प्रत्यायोजन गर्ने भएको छ। 

यस्तै लघुवित्तको रिक्त रहेको दुई सञ्चालकमा पदम प्रसाद गौतम र हेमराज बराल नियुक्त भएकाले विशेष साधारण सभाबाट अनुमोदन गर्ने प्रस्ताव पनि विशेष साधारण सभामा रहेको छ ।

नागरिक लघुवित्त दोस्रो त्रैमासम्ममा ४९ लाख ६४ हजार नोक्सानीमा छ । कम्पनीको बनेपाको साँगामा केन्द्रीय कार्यालय रहेको छ ।

लघुवित्तको कार्यक्षेत्र काभ्रेपलाञ्चोक सहित सिन्धुपाल्चोक, दोलखा, रामेछाप, सिन्धुली, नुवाकोट, गोर्खा, धादिङ, लमजुङ र तनहुँ गरि १० जिल्लामा रहेको छ ।




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।