मर्जर प्रकृयामा रहेका मिसन र तिनाउको औसत प्रगति

Apr 17, 2019 Merolagani

मिसन डेभलपमेन्ट बैंक र तिनाउ विकास बैंकले चालु आर्थिक वर्षको तेस्रो त्रैमासमा औसत प्रगति गरेका छन्। गत आवको तुलनामा मिसनको १५.०८ र तिनाउको खुद नाफा १३.३७ प्रतिशतले सुधारिएको छ।

५७ करोड ६४ लाख ७० हजार रुपैयाँ चुक्ता पूँजी रहेको मिसन डेभलपमेन्ट बैंक (MIDBL) ले चैत मसान्तसम्म ६ करोड ४६ लाख रुपैयाँ खुद नाफा आर्जन गरेर वार्षिक १४ रुपैयाँ ९६ पैसा प्रतिशेयर आम्दानी कायम गरेको छ । गत आवको यसै अवधिमा बैंकको खुद नाफा ५ करोड ६१ लाख ९१ हजार रुपैयाँ रहेको थियो।

चार अर्ब ८८ करोड ६९ लाख निक्षेप संकलन र चार अर्ब ३४ करोड ४४ लाख रुपैयाँ कर्जा प्रवाह गरेको बैंकले २३.२४ प्रतिशतले खुद ब्याज आम्दानी बढाएर १५ करोड ८२ लाख रुपैयाँ कमाएको छ । समीक्षा अवधिमा बैंकको निक्षेप ३२ प्रतिशतले बढ्दा कर्जा लगानी ३५ प्रतिशतले सुधार आएको हो।

१२ करोड ७ लाख जगेडा कोष रहेको बैंकको प्रतिशेयर नेटवर्थ १२० रुपैयाँ ९४ पैसा रहेको छ । बैंकको खराब कर्जा अनुपात ०.४३ प्रतिशत छ ।

उता ५६ करोड ७७ लाख ६७ हजार रुपैयाँ चुक्ता पूँजी रहेको तिनाउ विकास बैंक (TNBL) ले चैत मसान्तसम्म ६ करोड १० लाख ९७ हजार रुपैयाँ खुद नाफा आर्जन गरेर वार्षिक १४ रुपैयाँ ३५ पैसा प्रतिशेयर आम्दानी कायम गरेको छ । गत आवको यसै अवधिमा बैंकको खुद नाफा ५ करोड ३८लाख ९२ हजार रुपैयाँ रहेको थियो।

पाँच अर्ब ३१ करोड ८२ लाख निक्षेप संकलन र चार अर्ब ५७ करोड ८३ लाख रुपैयाँ कर्जा प्रवाह गरेको बैंकले २०.७१ प्रतिशतले खुद ब्याज आम्दानी बढाएर १४ करोड ५० लाख रुपैयाँ कमाएको छ । समीक्षा अवधिमा बैंकको निक्षेप १८.६२ प्रतिशतले बढ्दा कर्जा लगानी २०.५० प्रतिशतले सुधार आएको हो।

१३ करोड ७९९ लाख जगेडा कोष रहेको बैंकको प्रतिशेयर नेटवर्थ १२४ रुपैयाँ ६४ पैसा रहेको छ । बैंकको खराब कर्जा अनुपात ०.३८ प्रतिशत छ ।


comments powered by Disqus

भारतकाे बजेटबाट नेपालले सिक्नु पर्ने छ वटा पाठ

Feb 24, 2020 06:28 PM

नर बहादुर थापा

भारतले फेब्रुअरी १ मा आउँदो आर्थिक वर्ष (२०२०/०२१) को लागि बजेट सार्वजनिक गरेको छ। आर्थिक वर्ष शुरु हुनुभन्दा दुई महिना अगाडि नै बजेट सार्वजनिक गरेको हो। भारतले हालसालै प्रस्तुत गरेको बजेटबाट नेपालले खासगरी बजेट तर्जुमाको सम्बन्धमा केही सिक्न सक्छ।