बिहीवार बिहानी बम्बे स्टक एक्सचेञ्जको प्रमुख शेयर परिसूचकमा कम्पनीको शेयर प्रतिकित्ता २१६ भारु का साथ बजार खुलेको थियो भने केही समयमा नै कम्पनीको शेयर मूल्यमा २६.७३ प्रतिशतको गिरावट देखिएको थियो ।
हाल कम्पनीको बजार पूँजीकरण ३२ अर्ब ३५ करोड रुपैयाँ रहेको छ ।
२५ वर्ष पुरानो एयरलाइन्स कम्पनीको जेटसँग अहिले १ अर्ब २० करोड डलरको ऋण छ । जेटको संकट बढेसँगै ४०० जना पाइलटले जागिर छोडिसकेका छन् । अब जेटसँग १३ सय जना पाइलट मात्र बाँकी रहेका छन् । ३ महिनादेखि तलब नपाएका कारण अरु पाइटलहरु पनि आन्दोलनमा रहेका छन् ।
जेट एयरवेजका सबै उडान बन्द हुने आशंकाको खबरका कारण जेटको शेयर बीएसईमा मंगलबार मात्र पनि १८.५ प्रतिशतसम्मको गिरावट देखिएको थियो । एजेन्सी