लघुवित्तको शेयरलाई नेप्सेले पहिलो कारोबारको लागि न्युनतम १०० रुपैयाँ ३८ पैसा देखि अधिकतम ३०१ रुपैयाँ १४ पैसा ओपनिङ्ग रेन्ज तोकेको छ। त्यस अनुसार सोमबार लघुवित्तको कारोबार खुल्नेछ ।
नेप्सेले कम्पनीको शेयर कारोबारका लागि एसपिएआरएस (SPARS) संकेत (सिम्बोल) प्रदान गरेको छ ।
कम्पनीले गत फागुन २६ गते देखि २९ गतेसम्म आइपिओ निष्काशन गरि चैत १० गते बाँडफाँड गरेको थियो ।
लघुवित्तले कूल २ लाख ६९ हजार ६३० कित्ता साधारण शेयर निष्काशन गरेकोमा ४ हजार १४८ कित्ता लघुवित्तका कर्मचारी र सामूहिक लगानी कोषलाई १३ हजार ४८२ छुट्टाएर दुई लाख ५२ हजार कित्ता सर्वसाधारणमा बिक्री गरेको थियो ।
आईपिओ बिक्री पश्चात लघुवित्तको चुक्ता पूँजी ८ करोड २९ लाख पुगेको छ भने संस्थापक साधारण शेयर अनुपात ६२.५०ः३२.५० कायम भएको छ ।
चालु आर्थिक वर्षको तेस्रो त्रैमासमा लघुवित्तले ६० लाख ३९ हजार नाफा आर्जन गरेको छ ।