सिद्धार्थ इन्भेष्टमेन्ट ग्रोथ स्किम २ को इकाई नेप्सेमा कारोबार सुरु

Sep 26, 2019 10:44 AM Merolagani



सामूहिक लगानी कोष सिद्धार्थ इन्भेष्टमेन्ट ग्रोथ स्किम २ को इकाई असोज ९ गतेदेखि नेपाल स्टक एक्सचेञ्ज (नेप्से) मा कारोबार सुरु भएको छ।

कूल एक अर्ब २० करोड रुपैयाँ बराबरको आकारमा सञ्चालित यस फण्डको १२ करोड इकाइ बुधबार कारोबारका लागि नेप्सेमा सूचीकृत गरिएको थियो। यससँगै नेप्सेले बिहीबारदेखि कारोबार खुला गरेको हो।

नेप्सेले इकाईको कारोबारका लागि एसआईजिएस२ (SIGS2)  कारोबार संकेत प्रदान गरेको छ । यसअनुसार अब सिद्धार्थ इन्भेष्टमेन्ट ग्रोथ स्किम २ को इकाईको असोज ९ गते पश्चात यहि सिम्बोलमा हुनेछ ।

सिद्धार्थ इन्भेष्टमेन्ट ग्रोथ स्किम २ सिद्धार्थ क्यापिटलको व्यवस्थापन तथा सिद्धाथ म्युचुअल फण्डद्धारा सञ्चालित हुने चौंथो म्युचुअल फण्ड हो । फण्डको प्रबद्र्धक सिद्धार्थ बैंक रहेको छ ।

सिद्धार्थ क्यापिटलले गत साउन २३ देखि भदौ ५ गतेसम्म १ अर्ब २० करोड रुपैयाँ बराबरको म्युचुअलका इकाई सर्वसाधारणमा बिक्री गरेको थियो।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।