ट्रम्पले केही दिन पहिले मात्र चीनबाट आयात गरिने २०० अर्ब डलर बराबरको सामानमा शुल्क दर १० प्रतिशतबाट बढाएर २५ प्रतिशत पुर्याउने चेतावनी दिदैँ एक ट्वीट गरेका थिए ।
चीनका उपप्रधानमन्त्री लियू हेईको अध्यक्षतामा एक उच्च स्तरीय चिनीयाँ प्रतिनिधिमण्डल यसै हप्ता वाशिंगटनमा वैठक हुने तयारी रहेको थियो । वैठकको लक्ष्य दुई देशका बीचको व्यापार युद्धको समाभान गर्नु रहेको थियो । ताकि विश्व अर्थव्यवस्थाको चिन्ता हटाउन सकियोस् ।
तर ट्रम्पको उक्त चेतावनीसँगै चीनले वाशिंगटनमा बुधबार हुने भनिएको व्यापार वार्ता रद्द गर्ने बारेमा विचार गरिरहेको बताइएको छ ।
शुक्रबारसम्म विश्वका दुई ठूला अर्थतन्त्र भएका देशबीचको वार्ता कुनै निश्चित सम्झौताको बिन्दुमा पुग्ने अपेक्षा विश्वव्यापी रुपमा गरिएको थियो । तर ट्रम्पको चेतावनीले दुई देशबीचको सम्बन्धलाई कुन मार्गमा लैजान्छ भन्ने कुरा अन्तराष्ट्रिय चासोको विषय बनेको छ । एजेन्सी