गुराँस लघुवित्तको आईपिओ: कतिले पाउँछन् शेयर ?

May 09, 2019 Merolagani



गुराँस लघुवित्त (GLBSL)ले बैशाख १६ गते देखि निष्काशनमा ल्याएको आईपिओ बैशाख २६ गते बिहीबार बिहान बाँडफाँड हुँदैछ। शेयर निष्काशन तथा बिक्री प्रबन्धक एनआईबिएल एस क्यापिटलको कार्यालय लाजिम्पाटमा उक्त आईपिओ बाँडफाँड गर्न लागिएको हो।

धितोपत्र निष्काशन तथा बाँडफाँड निर्देशिका बमोजिम बाँडफाँड हुने उक्त आईपिओ २३ हजार ३६३ जना आवेदकले गोलाप्रथाबाट १० कित्ताका दरले पाउनेछन् ।

सर्वसाधारणमा निष्काशन गरिएको आईपिओमा २० गुणा अधिक ४५ लाख ४८ हजार कित्ता आवेदन परेको छ ।

दुई लाख ४२ हजार ६०० जना आवेदकले आईपिओमा आवेदन गरेका छन् । लघुवित्तले प्रतिकित्ता एक सय रुपैयाँ अंकित दरमा २ लाख ३३ हजार ६२५ कित्ता शेयर आईपिओ सर्वसाधारणमा निष्काशनमा ल्याएको थियो।

लघुवित्तले कूल निष्काशित २ लाख ५० हजार कित्ता सर्वसाधारण शेयर मध्ये ३ हजार ८७५ कित्ता कम्पनीका कर्मचारीका लागि र १२ हजार ५०० कित्ता सामुहिक लगानी कोषको लागि छुट्टाएइएको थियो।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।