जनसेवी लघुवित्तको आईपिओ बाँडफाँड सोमबार दिउँसो,१३% आवेदकले मात्र पाउने

May 19, 2019 Merolagani

जनसेवी लघुवित्त वित्तीय संस्था (JSLBSL) को आईपिओ जेठ ६ गते सोमबार दिउँसो ३ बजे बाँडफाँड गर्ने मिति तय भएको छ। लघुवित्तको शेयर बिक्री प्रबन्धक एनएमबि क्यापिटलको केन्द्रिय कार्यालय नगपोखरीमा शेयर बाँडफाँड हुने जनाएको छ ।

धितोपत्र निष्काशन तथा बाँडफाँड निर्देशिका बमोजिम लघुवित्तको आईपिओ उच्च आवेदनका कारण गोलाप्रथाबाट ४३ हजार २९९ जना आवेदकले मात्र लघुवित्तको आईपिओ पाउनेछन्। यो संख्या आईपिओमा आवेदन गरेका करिब १३ प्रतिशत मात्र हो। 

आईपिओमा आवेदन गरेका बाँकी ८७ प्रतिशत आवेदकको हात रित्तो हुने देखिन्छ। आईपिओमा १४.२८ गुणा बढी आवेदन परेको छ ।

बिक्री प्रबन्धक एनएमबी क्यापिटलका अनुसार ३ लाख ३८ हजार आवेदकबाट लघुवित्तको आईपिओमा ६१ लाख ८१ हजार कित्ता शेयर माग भएको छ ।

कम्पनीले बैशाख २७ देखि ३१ गतेसम्म सर्वसाधारणमा ४ लाख ३२ हजार ९९० कित्ता आईपिओ निष्काशन गरेको थियो। निष्काशित आईपिओ २३ हजार १६५ कित्ता सामूहिक लगानी कोषकाहरु र ७ हजार १४५ कित्ता लघुवित्तका कर्मचारीलाई आरक्षित गरिएको छ ।


comments powered by Disqus

अहिले बैंकमा ऋण दिने पैसा ‘फालाफाल’ भएपनि पछि ‘अभाव’ हुने भन्दै विदेशबाट पैसा ल्याउन तम्सिए

Jul 02, 2020 06:28 PM

विष्णु बेल्वासे
अहिले बैंकमा ऋण दिने पैसा ‘फालाफाल’ भएपनि केही महिना भित्रमा नै ऋण दिने पैसाको अभाव हुने संकेत पाएपछि बैंकहरूले धमाधम विदेशबाट रकम ल्याउन थालेका छन् । कोरोना भाइरसका कारण सरकारसँग खर्च गर्ने पैसा नभएपछि आन्तरिक ऋण उठाउन थाल्ने र रेमिटयान्स रकम पनि कमी हुने भएकाले लगानीयोग्य रकमको अभाव हुने भन्दै बैंकले विदेशबाट रकम ल्याउन थालेका हुन् ।