बैंकको २१.२५ प्रतिशत बोनस पछि चुक्ता पूँजी ८ अर्ब ६८ करोड रुपैयाँ पुग्नेछ । साधारण सभा बैंकका अध्यक्ष सन्तोष कुमार लामाको अध्यक्षतामा नेपाल प्रज्ञा प्रतिष्ठान, कमलादीमा सम्पन्न भएको हो ।
साधारण सभाले लेखापरीक्षकको प्रतिवेदन सहितको आर्थिक वर्ष २०७३/०७४ र २०७४/०७५ को आर्थिक विवरण, वासलात, नाफा नोक्सान हिसाब र सोही अवधिको नगद प्रवाह विवरण, नाफा नोक्सान बाँडफाँट हिसाब, पूँजीमा भएको परिवर्तन लगायत वार्षिक प्रतिवेदन माथि छलफल गरी पारित गरेको छ ।
बैंकले आर्थिक वर्ष २०७५/७६ को चैत मसान्तसम्म ७७ अर्ब २९ करोड रुपैयाँ कुल निक्षेप संकलन गरी ७३ अर्ब २४ करोड रुपैयाँ कर्जा परिचालन गरेको छ । यस अवधिमा बेंकले १ अर्ब ४२ करोड आम्दानी गरी १ अर्ब रुपैयाँ खुद मुनाफा आर्जन गर्न सफल भएको छ ।
बैंकको काठमाडौं उपत्यका भित्र र बाहिर गरि ८८ शाखा संजाल, ८३ एटिएम्, ३ एक्स्टेन्सन काउन्टरका साथै ३ वटा शाखारहित बैंकिङ्क इकाई रहेको छ ।
