रोकिएको निर्वाचन गर्न कुमारी बैंकले बोलायो विशेष साधारण सभा

May 26, 2019 Merolagani

कुमारी बैंक (KBL) ले सञ्चालक समितिको निवार्चन गर्न विशेष साधारण सभा बोलाएको छ । बैंकको गत वैशाख २६ गते सम्पन्न सत्रौं तथा अठारौं बार्षिक साधारण सभामा संचालक समितिको निर्वाचन नगर्न उच्च अदालत पाटनले अन्तरिम आदेश दिए पछि संचालक चयन नगरी साधारणसभा गरेको थियो ।

बैंकको सञ्चालक समितिमा कम्तिमा एकजना महिला सञ्चालन हुनु पर्ने भन्दै बैंकको एक महिला शेयरधनीले उच्च अदालतमा रिट दायर गरेपछि उच्च अदालत पाटनले निर्वाचन नगर्न अन्तरिम आदेश दिएको थियो ।

जेठ १० गते शुक्रबार अदालतले दुवै पक्षसँग छलफल गरी उक्त रिट खारेज गरे पछि सञ्चालक समितिको निर्वाचन गर्न बैंकलाई बाटो खुल्ला भएको हो ।

बैंकले आगामी जेठ ३१ गते शुक्रबार बिशेष साधारण सभा बोलाएको छ । उक्त सभा डिल्लीबजार स्थिति अमृतभोग पार्टी प्यालेसमा अपरान्ह १२ः३० बजे देखि सुरु हुने बैंकले जानकारी गराएको छ ।

बैंकले संचालक समितिको निर्वाचन गर्न बिशेष साधारणसभा आह्वान गरेको हो । बिशेष सभाले सञ्चालक समितिमा प्रतिनिधित्व गर्ने संस्थापक तर्फबाट दुई जना र सर्वसाधारण तर्फबाट दुई जना गरी कम्तिमा एक जना महिला सहित चार जना सञ्चालकको निर्वाचन गर्ने प्रस्ताव राखेको छ ।

बैंकले साधारण सभा प्रयोजनका लागि जेठ २० गते बुक क्लोज गर्ने भएको छ । जेठ १९ गतेसम्म कायम शेयरधनीले मात्र साधारणसभामा भाग लिन सक्ने छन् ।

 


comments powered by Disqus

राष्ट्र बैंकले पूर्व गभर्नरहरूलाई सोध्याे–‘मौद्रिक नीतिमा कस्तो ल्याउँदा ठीक हुन्छ’

Jul 02, 2020 05:36 PM

नेपाल राष्ट्र बैंकले पूर्व गभर्नरहरूसँग आगामी आर्थिक वर्षको मौद्रिक नीति कस्तो ल्याउनु ठिक होला भनेर छलफल गरेको छ । निजी क्षेत्रसँग सुझाव लिने काम सकिएपछि केन्द्रीय बैंकले आज पूर्वगभर्नरहरूसँगबाट सुझाव लिएको हो ।