यस त्रैमासमा बैंकले ३९ करोड ६१ लाख रुपैयाँ खुद नाफा आर्जन गरेको छ । गत वर्षको यसै अवधिमा बैंकले ३९ करोड ९ लाख रुपैयाँ खुद नाफा आर्जन गरेको थियो ।
आम्दानीका सूचकहरुलाई राम्रो व्यवस्थापन गर्दा गर्दै बैंकले जोखिम व्यवस्थापनमा ठूलो रकम छुुट्याउदा बैंकको नाफा स्थिर रहेको हो ।
बैंकले १२ करोड २८ लाख रुपैयाँ जोखिम व्यवस्थापनको लागि छुट्याएको छ । गत वर्षको चैत मसान्तमा बैंकले तीन करोड ९४ लाख रुपैयाँ मात्र जोखिम व्यवस्थापनको लागि छुट्याएको थियो ।
बैंकको चुक्त पूँजी दुई अर्ब ५२ करोड ६ लाख रुपैयाँ छ । यस त्रैमासमा बैंकको जगेडा कोषको आकार वृद्धि भएको छ । बैंकको जगेडा कोष ९३ करोड ६ लाख रुपैयाँ बाट बढोत्तरी भएर एक अर्ब ५ करोड ८३ लाख रुपैयाँ पसगेको छ । यो गत वर्षको यसै अवधिको तुलनामा १२ करोड ७६ लाख रुपैयाँले धेरै हो ।
चैत मसान्तसम्मा २९ अर्ब ४८ करोड ३४ लाख रुपैयाँ निक्षेप संकलन गरेको बैंकले २६ अर्ब ५४ करोड एक लाख रुपैयाँ कर्जा परिचालन गरेको छ ।
यस अवधिमा बैंकले ९४ करोड ४९ लाख रुपैयाँ खुद ब्याज आम्दानी गरेको छ । गत वर्षको यसै अवधिको तुलनामा बैंकको खुद ब्याज आम्दानी ३० करोड ३६ लाख रुपैयाँले धेरै हो । गत वर्षको यसै अवधिमा बैंकले ६४ करोड १३ लाख रुपैयाँ खुद ब्याज आम्दानी गरेको थियो ।
बैंकको निष्कृय कर्जा अनुपात ०.३५ प्रतिशत छ । बैंकको प्रतिशेयर आम्दानी २१ रुपैयाँ १७ पैसा छ भने प्रतिशेयर नेटवर्थ १४१ रुपैयाँ ९९ पैसा छ ।