गुराँस लघुवित्तले बैशाख १६ गते देखि २ लाख ३३ हजार ६२५ कित्ता शेयर आईपिओ निष्काशनमा गरी बैशाख २६ गते बाँडफाँड गरेको थियो। लघुवित्तको आईपिओमा ३ लाख १ हजार ३९६ जना लगानीकर्तामध्ये जम्मा २३ हजार ३६३ जनाले गोलाप्रथा मार्फत १० कित्ताका दरले शेयर प्राप्त गरेका थिए।
धनकुटामा केन्द्रीय कार्यालय रहेको लघुवित्तको आईपिओ निष्काशन पछि चुक्ता पूँजी ७ करोड ७५ लाख रुपैयाँ पुगेको छ । यस अघि नै संस्थापक समूहबाट ५ करोड २५ लाख रुपैयाँ चुक्ता भैसकेको थियो।
यस्तै विजय लघुवित्तको १ लाख ७७ हजार १०० कित्ता बोनस शेयर पनि नेप्सेमा सूचीकृत भएको छ । लघुवित्तको चुक्ता पूँजी १७ करोड ७१ लाख रुपैयाँमा आर्थिक वर्ष २०७४/७५ को संचित नाफाबाट १० प्रतिशत बोनस शेयरधनीहरुलाई वितरण गरेको थियो ।
