साधारण सभाले हाल कायम चुक्ता पूँजी ६४ करोड ४ लाख रुपैयाँ बराबरको ६० प्रतिशत हकप्रद निष्काशन गर्ने भएको हो । हकप्रद पछि इन्स्योरेन्सको चुक्ता पूँजी एक अर्ब २ करोड रुपैयाँ पुग्नेछ ।
इन्स्योरेन्सले आर्थिक वर्ष २०७४/७५ को वित्तीय विवरणबाट बोनस वितरण गरी अपुग चुक्ता पूँजी हकप्रद जारी गरी पुर्याउने तयारी गरेको भएपनि साधारण सभा सम्पन्न गर्न समय लाग्ने भएपछि हकप्रदको बाटो रोज्नु परेको उल्लेख गरेको छ ।
इन्स्योरेन्सले नेपाल लेखामान प्रतिबेदन (एनएफआरएस) प्रणली अनुसार वित्तीय विवरण तयार भई साधारण सभा सम्पन्न गर्न समय लाग्ने भएपछि ६० प्रतिशत हकप्रद निष्काशन गरी बीमा समितिले तोकेको न्युनतम चुक्ता पूँजी पुर्याउन लागेको हो ।
बीमा समितिले बीमा कम्पनीहरुलाई चालु आर्थिक वर्षको असार मसान्त भित्रमा साधारण सभा सम्पन्न गरेर न्युनतम चुक्ता पूँजी पुर्याउन निर्देशन दिएको थियो । समितिको निर्देशन अनुसार न्युनतम चुक्ता पूँजी पुर्याउन एनएलजी इन्स्योरेन्सले हकप्रदको बाटो रोजेको हो ।