अघिल्लो वर्ष २५ करोड ७५ लाख रुपैयाँ खुद नाफा कमाएको लघुवित्तले गत आर्थिक वर्षमा ३३ करोड २४ लाख रुपैयाँ खुद नाफा कमाएर वितीय विवरण सार्वजनिक गरेको छ।
लघुवित्तको खुद ब्याज आम्दानी र सञ्चालन नाफामा वृद्धि हुँदा उसको खुद नाफा पनि बढेको हो। अघिल्लो वर्षको तुलनामा कम्पनीको खुद ब्याज आम्दानी १९ प्रतिशतले बढेर ४८ करोड ३१ लाख रुपैयाँ पुगेको छ भने सञ्चालन नाफा २०.४५ प्रतिशतले बढेको छ।
समीक्षा अवधिमा लघुवित्तले बैंक तथा वित्तिय संस्थाबाट ६ अर्ब ६३ करोड रुपैयाँ सापटी लिएर ८ अर्ब २२ करोड रुपैयाँ कर्जा प्रवाह गरेको छ। अघिल्लो वर्ष कम्पनीले ५ अर्ब ६१ करोड रुपैयाँ सापटी लिएर ६ अर्ब ८४ करोड रुपैयाँ कर्जा प्रवाह गरेको थियो ।
चुक्ता पुँजी ७९ करोड ९३ लाख रुपैयाँ रहेको लघुवित्तले जगेडा कोष अघिल्लो वर्षको तुलनामा २५.७० प्रतिशतले बढाएर १ अर्ब ६१ करोड ५४ लाख रुपैयाँ पुर्याएको छ।
वार्षिक प्रतिशेयर आम्दानी ४१ रुपैयाँ ५९ पैसा रहेको लघुवित्तको प्रतिशेयर नेटवर्थ ३०२ रुपैयाँ ८ पैसा र मूल्य आम्दानी अनुपात १५.८९ गुणा छ।
