लघुवित्तको सञ्चालन नाफा र खुद ब्याज आमदानी पनि बढेको छ। लघुवित्तले खुद ब्याज आम्दानी अघिल्लो वर्षको तुलनामा ३४.२७ प्रतिशतले बढाएर ५ करोड ८७ लाख रुपैयाँ पुर्याएको छ भने सञ्चालन नाफा ११३.५० प्रतिशतले वृद्धि गरेको छ।
त्यसैगरी लघुवित्तले निक्षेप संकलन १७ करोड ३७ लाख रुपैयाँबाट बढाएर २४ करोड ९४ लाख रुपैयाँ पुर्याएको छ भने कर्जा प्रवाह ६१ करोड ७५ लाख रुपैयाँबाट बढाएर ९४ करोड ८२ लाख रुपैयाँ पुर्याएको छ। त्यस्तै लघुवित्तको खराब कर्जा अनुपात ३.४२ प्रतिशतबाट घटेर २.३३ प्रतिशतमा झरेको छ।
लघुवित्तले ५० प्रतिशत हकप्रद बिक्री चुक्ता पूँजी ९ करोड ८९ लाख रुपैयाँ पुर्याएको छ भने जगेडा कोष १ करोड ६ लाख रुपेयाँबाट ४ करोड ७८ लाख रुपैयाँ पुर्याएको छ ।
प्रतिशेयर आम्दानी १९ रुपैयाँ ३८ पैसा रहेको लघुवित्तको प्रतिशेयर नेटवर्थ १४८ रुपैयाँ ३९ पैसा र मुल्य आम्दानी अनुपात ४.७६ गुणा छ।
