थोक कर्जा प्रवाह गर्ने यस लघुवित्तले अघिल्लो वर्ष कम्पनीले ३ करोड ७४ लाख नाफा कमाएको थियो।
समीक्षा अवधिमा हकप्रद तथा बोनसबाट पूँजी बढाएको कम्पनीको चुक्ता पूँजी ६३ करोड ३५ लाख १२ हजार रुपैयाँ रहेको छ। यस्तै लघुवित्तको जगेडा कोषमा पनि ७ करोड १४ लाखबाट करिब १३७ प्रतिशतले बढेर १६ करोड ९२ लाख पुगेको छ।
नाफा उच्च बढ्दा कम्पनीको प्रतिशेयर आम्दानी बढेको छ। अघिल्लो वर्ष ७ रुपैयाँ ७० पैसा रहेको लघुवित्तको प्रतिशेयर आम्दानी १० रुपैयाँ १३ पैसामा बढोत्तरी भएको हो।
बैंक तथा वित्तीय संस्थाहरुबाट एक अर्ब ८० करोड ९२ लाख रुपैयाँ ऋण सापटी गरेर आरएसडिसी लघुवित्तले गत असार मसान्तसम्म अन्य लघुवित्त संस्थाहरुमा दुई अर्ब ५१ करोड ५५ लाख रुपैयाँ कर्जा परिचालन गरेको छ। कर्जा प्रवाहबाट कम्पनीले १२ करोड २९ लाख ७१ हजार खुद ब्याज आम्दानी गरेको छ । जुन अघिल्लो आवको तुलनामा ७५ प्रतिशत अधिक हो।
लघुवित्तको निष्कृय कर्जा अनुपात ०.०३ बाट ०.२५ प्रतिशतमा बढेको छ। खराब कर्जा वृद्धिले ६८ लाखको नोक्सानी व्यवस्था बढेर २ करोड माथि पुगेको छ ।
लघुवित्तको प्रतिशेयर नेटवर्थ १२६ रुपैयाँ ७१ पैसा, कोषको लागत ११.०२ प्रतिशत र मूल्य आम्दानी अनुपात ३३.८६ गुणा छ।