अघिल्लो आवमा पनि फाइनान्समा ४.६३ प्रतिशत निष्कृय कर्जा रहेको थियो।
मल्टिपर्पस फाइनान्सले गत आर्थिक वर्षको चौथो त्रैमाससम्ममा ९० लाख ५२ हजार रुपयाँ खुद नाफा आर्जन गरेको छ। फाइनान्सले अघिल्लो आर्थिक वर्षको तुलनामा १२ प्रतिशतले ह्रास भएको हो। अघिल्लो आर्थिक वर्षमा फाइनान्सले एक करोड दुई लाख रुपैयाँ खुद नाफा गरेको थियो ।
फाइनान्सले जोखिम व्यवस्थापनको लागि रकम ब्यवस्थापन गर्दा र खर्चमा वृद्धि गर्दा नाफा घटेको हो ।
चुक्ता पूँजी चार करोड १४ लाख रुपैयाँ रहेको फाइनान्सको जगेडा कोषमा ९२ लाख ७७ हजार रुपैयाँ छ। समीक्षा अवधिसम्मा २१ करोड ३१ लाख रुपैयाँ निक्षेप संकलन गरेको फाइनान्सले २१ करोड ९४ लाख रुपैयाँ कर्जा परिचालन गरेको छ।
फाइनान्सको खुद ब्याज आम्दानीमा पनि गिरावट आएको देखिन्छ। गत आर्थिक वर्षमा फाइनान्सले एक करोड ५७ लाख रुपैयाँ खुद ब्याज आम्दानी गरेको छ। यो गत वर्षको तुलनामा तीन लाख ५० हजार रुपैयाँले घटेको हो। अघिल्लो वर्ष फाइनान्सले एक करोड ६० लाख रुपैयाँ खुद ब्याज आम्दानी गरेको थियो।
फाइनान्सको प्रतिशेयर आम्दानी २१ रुपैयाँ ८३ पैसा कायम भएको छ। प्रतिशेयर नेटवर्थ १५२ रुपैयाँ ४४ पैसा छ भने मूल्य आम्दानी ५.५९ गुणा बढी छ।
