जानकी फाइनान्सको नाफामा गिरावट

Aug 19, 2019 06:33 PM Merolagani

जानकी फाइनान्स (JFL) को खुद नाफा अघिल्लो आर्थिक वर्षको तुलनामा गत आर्थिक वर्षमा घटेको छ । फाइनान्सले गत आवको चौंथो त्रैमाससम्ममा ११ करोड ६१ लाख रुपैयाँ आर्जन गरेको छ।

अघिल्लो आर्थिक वर्षको यसै अवधिमा फाइनान्सले १२ करोड ७६ लाख रुपैयाँ खुद नाफा कमाएको थियो।

चुक्ता पूँजी ४९ करोड २१ लाख रुपैयाँ रहेको फाइनान्सको जगेडा कोषमा २८ करोड ६७ लाख रुपैयाँ सञ्चित छ। समीक्षा अवधिसम्ममा दुई अर्ब ३ करोड ८३ लाख रुपैयाँ निक्षेप संकलन गरेको फाइनान्सले दुई अर्ब ११ करोड ७७ लाख रुपैयाँ ऋण लगानी गरेको छ ।

गत आर्थिक वर्षका असार मसान्तसम्ममा १६ करोड ४९ लाख रुपैयाँ खुद ब्याज आम्दानी गरेको छ । अघिल्लो वर्ष फाईनान्सले १५ करोड ६२ लाख रुपैयाँ खुद ब्याज आम्दानी गरेको थियो ।

फाइनान्समा खराब कर्जा अनुपात २.१३ प्रतिशत छ। फाइनान्सको प्रतिशेयर आम्दानी २३ रुपैयाँ ६० पैसा छ। फाइनान्सले वित्तीय विवरणमा ३० रुपैयाँ ३४ पैसा उल्लेख गरेको छ जुन कम्पनीको नाफासँग मेल खाँदैन।

यस्तै फाइनान्सको प्रतिशेयर नेटवर्थ १५८ रुपैयाँ २६ पैसा छ । फाइनान्सको मूल्य आम्दानी अनुपात ७.६३ गुणा छ । यस अवधिमा फाइनान्सको आधार ब्याजदर १२.३८, कोषको लागत १०.१० प्रतिशत र कर्जा निक्षेप अनुपात ७६.५० प्रतिशत रहेको छ ।


comments powered by Disqus

कोरोना भाइरसबाट अमेरिका सबैभन्दा धेरै प्रभावित, २४ घण्टामा १४८० को मृत्यु, ३२ हजारभन्दा धेरै संक्रमित

Apr 04, 2020 02:35 PM

कोरोना भाइरसको त्रास पूरै दुनियाँमा रहेको छ । विश्वको सबैभन्दा शक्तिशाली देश अमेरिकालाई पनि यसले घुँडा टेक्न बाध्य बनाएको छ । अमेरिकाको स्थिति झन् बिग्रदै गएको छ ।