नेप्सेका अनुसार नेपाल लाईफको एक करोड ९ लाख ९२ हजार ३२१ दशमलव ६२ कित्ता बोनस र सेञ्चुरी कर्मसियल बैंकको १६ लाख ५० हजार ९२ दशमलव ४७ कित्ता बोनस सूचीकृत भएको हो।
नेपाल लाईफले आर्थिक वर्ष २०७४/०७५ को मुनाफाबाट प्रस्ताव गरेको २५ प्रतिशत बोनस र २३.५० प्रतिशत नगद गरि कूल ४८.५० प्रतिशत लाभांश गत जेठ ४ गते सम्पन्न १९ ओं वार्षिक साधारण सभाबाट पारित गरेको थियो।
यस्तै सेञ्चुरी बैंकको बैशाख १२ गते सम्पन्न आठौं वार्षिक साधारण सभाले २ प्रतिशत बोनस शेयर र ४.५० प्रतिशत नगद लाभांश वितरण गर्ने प्रस्ताव पारित गरेको थियो। सोही बोनस शेयर बजारको दोस्रो बजारमा कारोबारका लागि दुबै कम्पनीले मंगलबार नेप्सेमा सूचीकरण गरेका हुन्।
सेञ्चुरी बैंकको बोनस २०७५ चैत २८ गतेसम्म र नेपाल लाईफको २०७६ बैशाख १८ गतेगतेसम्म नेप्सेमा शेयर खरिद गरि कायम रहेका शेयरधनीहरुले मात्र पाउनेछन्।