रिलायन्स फाइनान्सको खुद नाफा घट्यो

Sep 20, 2019 02:56 PM Merolagani

रिलायन्स फाइनान्स (RLFL) ले एनएफआरएस प्रणाली अनुरुपको वित्तीय विवरणमा गत आर्थिक वर्षको चौंथो त्रैमाससम्ममा ६ करोड ६८ लाख रुपैयाँ खुद नाफा आर्जन गरेको छ। यो अघिल्लो वर्षको सोही अवधिको तुलनामा ४.८७ प्रतिशतले थोरै हो। अघिल्लो आर्थिक वर्षको यही समयमा फाइनान्सले ७ करोड २ लाख रुपैयाँ खुद नाफा आर्जन गरेको थियो। 

चुक्ता पूँजी ८३ करोड एक लाख रुपैयाँ रहेको फाइनान्सको जगेडा कोषमा १६ करोड ४७ लाख रुपैयाँ सञ्चित छ । 

यस अवधिमा फाइनान्सले २० करोड ४० लाख रुपैयाँ खुद ब्याज आम्दानी गरेको छ। यो अघिल्लो आवको तुलनामा ३४ प्रतिशतले धेरै हो।

अघिल्लो आवमा फाइनान्सले १५ करोड २३ लाख रुपैयाँ खुद ब्याज आम्दानी गरेको थियो। 

चौंथो त्रैमाससम्म फाइनान्सले ४ अर्ब १३ करोड ५३ लाख निक्षेप संकलन गरी ३ अर्ब ७२ करोड ३२ लाख रुपैयाँ बराबरको कर्जा परिचालन गरेको छ ।

फाइनान्सको निष्कृय कर्जा अनुपात १.१९ बाट बढेर १.९७ प्रतिशत पुगेको छ । प्रतिशेयर आम्दानी ८ रुपैयाँ ०५ पैसा रहेको फाइनान्सको प्रतिशेयर नेटवर्थ ११८ रुपैयाँ १२ पैसा र मूल्य आम्दानी अनुपात १५.२५ गुणा छ।


comments powered by Disqus

कोरोना भाइरसबाट अमेरिका सबैभन्दा धेरै प्रभावित, २४ घण्टामा १४८० को मृत्यु, ३२ हजारभन्दा धेरै संक्रमित

Apr 04, 2020 02:35 PM

कोरोना भाइरसको त्रास पूरै दुनियाँमा रहेको छ । विश्वको सबैभन्दा शक्तिशाली देश अमेरिकालाई पनि यसले घुँडा टेक्न बाध्य बनाएको छ । अमेरिकाको स्थिति झन् बिग्रदै गएको छ ।