गत वर्षको यहि अवधिमा इन्स्योरेन्सले ६८ करोड २४ लाख रुपैयाँ खुद बीमा शुल्क आम्दानी गरेको थियो ।
कम्पनीले लगानी कर्जा तथा अन्य आयबाट ३४ करोड ९८ लाख रुपैयाँ, बीमालेख धितो एक अर्ब ७२ करोड १२ लाख रुपैयाँ कर्जा लगानी गरेर २ करोड ४४ लाख रुपैयाँ आम्दानी गरेको छ ।
यस अवधिमा कम्पनीले बीमाङ्कीय मूल्याङ्कन अघि ४ करोड २ लाख रुपैयाँ खुद नाफा आर्जन गरेको छ। जुन गत बर्षको यहि अवधिको तुलनामा २ करोड ३३ लाख रुपैयाँ अर्थात १३७.८७ प्रतिशतले बढी हो। गत बर्षको पहिलो त्रैमासमा कम्पनीले १ करोड ६९ लाख रुपैयाँ मात्रै खुद नाफा कमाएको थियो ।
चुक्ता पूँजी २ अर्ब एक करोड रुपैयाँ रहेको इन्स्योरेन्सको जीवन बीमा कोषमा १७ अर्ब ९४ करोड ८८ लाख रुपैयाँ, जगेडा कोषमा ४० करोड ५४ लाख रुपैयाँ र महाविपत्ती कोषमा ४ करोड ३० लाख रुपैयाँ सञ्चित छ ।
हालसम्म २ लाख ७७ हजार ७५० बीमालेख रहेको कम्पनीले कुल २१ अर्ब १० करोड ७५ लाख रुपैयाँ बीमा शुल्क आर्जन गरेको छ। यस अवधिमा ५ हजार ५६ दाबी वापत एक अर्ब २५ करोड ७३ लाख रुपैयाँ कुल दाबी भुक्तानी गरेको छ भने ८२ दाबी वापत २ करोड ५३ लाख रुपैयाँ बराबरको भुक्तानी गर्न बाँकी छ।
कम्पनीको प्रतिशेयर आम्दानी ८ रुपैयाँ, प्रतिशेयर नेटवर्थ १२२ रुपैयाँ ३१ पैसा र मूल्य आम्दानी अनुपात ३९.७३ गुणा बढी छ।