गत आवमा बैंकले ५ करोड ४० लाख रुपैयाँ खुद नाफा आर्जन गरेको थियो । गत आवको यसै अवधिको तुलनामा खराब कर्जा असुली रकम घटेपछि बैंकको मुनाफामा गिरावट आएको हो।
यस अवधिमा बैंकको खुद ब्याज आम्दानी घट्नुका साथै समग्र खर्च बढ्दा बैंकको नाफा बढ्न नसकेको हो। बैंकले गत आवको प्रथम त्रैमामा बैंकले खराब कर्जा वापत ४ करोड ८६ लाख असुली गरेकोमा यस अवधिमा २ करोड १४ लाख रुपैयाँ मात्र असुली गरेको छ।
चुक्ता पूँजी ३७ करोड ५ लाख रुपैयाँ रहेको बैंकको जगेडा कोषमा २ करोड १६ लाख रुपैयाँ सञ्चित छ। गत आवमा बैंकको जगेडा कोष ९ करोड ६८ लाख रुपैयाँले ऋणात्मक रहेको थियो ।
बैंकले निक्षेप संकलन १५ करोड ७५ लाख रुपैयाँले बढाएर २४ करोड २४ लाख रुपैयाँ पुर्याएको छ भने ४१.८१ प्रतिशतले बढाएर २६ करोड ६४ लाख रुपैयाँ बराबरको कर्जा परिचालन गरेको छ।
यस अवधिमा बैंकले एक करोड ३ लाख रुपैयाँ खुद ब्याज आम्दानी गरेको छ। यो गत वर्षको यसै अवधिको तुलनामा ६.२१ प्रतिशतले कम हो । गत आवमा बैंकले एक करोड १० लाख रुपैयाँ खुद ब्याज आम्दानी गरेको थियो ।
बैंकको वार्षिक प्रतिशेयर आम्दानी ६ रुपैयाँ ४ पैसा, प्रतिशेयर नेटवर्थ १०६ रुपैयाँ ५६ पैसा र मूल्य आम्दानी अनुपात १७.२१ गुणा छ।