चालु आर्थिक वर्षको पहिलो तीन महिनाको अवधिमा बैंकको वितरण योग्य नाफा १ करोड ७३ लाख रुपैयाँ छ।
गत आर्थिक वर्षको तुलनामा बैंकको खर्च बढेको छ भने खुद ब्याज आम्दानी ६ करोड १९ लाख रुपैयाँले बढेर ३० करोड ६९ लाख रुपैयाँ पुगेको छ।
समीक्षा अवधिमा बैंकमा २३ अर्ब १२ करोड रुपैयाँ निक्षेप संकलन गरी २१ अर्ब ८३ करोड रुपैयाँ कर्जा प्रबाह गरेको छ। समीक्षा अवधिमा बैंकको खराब कर्जा २.८६ प्रतिशतबाट घटेर २ प्रतिशतमा झरेको छ।
हाल २ अर्ब ५८ करोड ७९ लाख रुपैयाँ चुक्ता पूँजी रहेको बैंकको जगेडा कोषमा एक अर्ब १७ करोड २६ लाख रुपैयाँ सञ्चित छ। गत आवको सोही अवधीमा बैंकको जगेडा कोषमा एक अर्ब ४४ करोड ३२ लाख रुपैयाँ सञ्चित थियो ।
यस अवधिमा बैंकको प्रतिशेयर आम्दानी बढेको छ। गत वर्षको यसै अवधिमा १४ रुपैयाँ ९३ पैसा रहेको बैंकको वार्षिक प्रतिसेयर आम्दनी चालु आर्थिक वर्षको तेस्रो महिनासम्ममा १८ रुपैयाँ ५५ पैसा पुगेको छ।
बैंकको प्रतिशेयर नेटवर्थ १६५ रुपैयाँ ४१ पैसा र मूल्य आम्दानी अनुपात ९.३३ गुणा रहेको छ।
