बिहीबार सूचना जारी गर्दै बैंकले संयुक्त कारोबार पश्चात हाल कायम रहेको खाता नम्बर परिवर्तन हुने भएकोले आफुलाई पायक पर्ने ग्लोबल आईएमई बैंकको शाखा कार्यालयमा सम्पर्क राखी नयाँ खाता नम्बर लिन अनुरोध गरेको हो।
खाता नम्बर परिवर्तन भएपनि साविक जनता बैंकबाट जारी भएका चेक तथा एटीएम कार्डहरु अवधि समाप्त नभएसम्म सुचारु रुपले प्रयोग गर्न सकिने बैंकले जनाएको छ।
यसका साथै इन्टरनेट बैंकिङ्ग र मोबाइल बैंकिङ्गहरुमा साविकबै युजरनेम र पासवर्ड प्रयोग गरी ग्लोबल आईएमई बैंकको इन्टरनेट तथा मोबाइल एपबाट चलाउन सक्ने बैंकले जनाएको छ।