सुनको भाउ लगातार घट्दो, दुई दिनमा एक हजार रुपैयाँले घट्यो

Jan 14, 2020 11:04 AM Merolagani

पछिल्लो समय सुनको भाउ लगातार घट्न थालेको छ। पुस लागेदेखि लगातार बढेर उच्च विन्दुमा पुगेको सुनको भाउ गत केहि दिनदेखि फेरि घट्न थालेको हो। 

पुस २९ गते मंगलबार सुनको भाउ तोलामा ८०० रुपैयाँले घटेर छापावाला सुन प्रतितोला ७४ हजार रुपैयाँमा र तेजाबी सुन प्रतितोला ७३ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

अघिल्लो दिन सोमबार पनि सुन तोलामा २०० रुपैयाँले घटेर छापावाला सुन प्रतितोला ७४ हजार ८०० र तेजाबी सुन प्रतितोला ७४ हजार ५०० रुपैयाँमा कारोबार भएको थियो।

सुन गत दुई दिनमा एक हजार रुपैयाँले घटेको छ।

यसदिन सुनसँगै चाँदीको भाउ पनि घटेको छ। चाँदी तोलामा १० रुपैयाँले घटेर प्रतितोला ८८० रुपैयाँमा कारोबार भइरहेको महासंघले जनाएको छ।

अघिल्लो दिन सोमबार चाँदी प्रतितोला ८९० रुपैयाँमा खरिद बिक्री भएको थियो ।


comments powered by Disqus

लघुवित्त क्षेत्रको हालसम्मकै ठूलो आईपीओ आउने,एनआईसी एशिया लघुवित्त अनुमति माग्न बाेर्ड पुग्याे

Jan 23, 2020 04:51 PM

एनआईसी एशिया लघुवित्त वित्तीय संस्था लिमिटेडले लघुवित्त क्षेत्रको हालसम्मकै ठूलो रकम बराबरको प्राथमिक शेयर (आईपीओ) निष्कासन गर्न नेपाल धितोपत्र बोर्डसँग अनुमति मागेको छ। लघुवित्तले ४७ करोड ५५ लाख रुपैयाँ बराबरको ४७ लाख ५५ हजार कित्ता आईपीओ निष्कासन गर्न अनुमति मागेको हो।