सो अवधिसम्ममा बैंकले ६५ करोड २ लाख रुपैयाँ खुद नाफा आर्जन गर्न सफल भएको छ। यो गत आर्थिक वर्षको यसै अवधिको तुलनामा १३ करोड २१ लाख रुपैयाँ अर्थात २५.४९ प्रतिशत बढी हो। गत आर्थिक वर्षको सोही अवधिसम्ममा बैंकले ५१ करोड ८१ लाख रुपैयाँ खुद नाफा कमाएको थियो।
बैंकको सञ्चालन मुनाफा र खुद ब्याज आम्दानी बढेसँगै खुद नाफा बढ्न पुगेको हो।
पुस मसान्तसम्ममा १ अर्ब ५२ करोड ७८ लाख रुपैयाँ खुद ब्याज आम्दानी गरेको बैंकले ९१ करोड ७ लाख रुपैयाँ सञ्चालन मुनाफा आर्जन गर्न सफल भएको छ। बैंकको खुद ब्याज आम्दानी गत आर्थिक वर्षको यसै अवधिको तुलनामा १८ करोड ८५ लाख रुपैयाँ र सञ्चालन मुनाफा १८ करोड ६० लाख रुपैयाँ बढी हो।
८ अर्ब ४१ करोड ५४ लाख रुपैयाँ चुक्ता पूँजी रहेको यस बैंकको जगेडा कोषमा १ अर्ब ३८ करोड १ लाख रुपैयाँ, शेयरधनी कोषमा ८५ करोड ७४ लाख रुपैयाँ र शेयर प्रिमियममा ३ करोड ४३ लाख रुपैयाँ सञ्चय गरेको छ। सो अवधिसम्ममा बैंकले ६१ अर्ब २४ करोड रुपैयाँ निक्षेप सङ्कलन गरी ५९ अर्ब ५० करोड रुपैयाँ कर्जा लगानी गरेको छ।
दोस्रो त्रैमासको अन्त्यसम्ममा बैंकको वार्षिक प्रतिशेयर आम्दानी १५ रुपैयाँ ४५ पैसा कायम भएको छ। जुन गत आर्थिक वर्षका सोही अवधिको तुलनामा १ रुपैयाँ ८६ पैसा बढी हो। खुद नाफा बढेसँगै बैंकको प्रतिशेयर आम्दानी पनि बढेको हो।
पुस मसान्तसम्ममा ४२ करोड ३० लाख रुपैयाँ वितरण योग्य मुनाफा आर्जन गरेको यस बैंकको प्रतिशेयर नेटवर्थ १२७ रुपैयाँ कायम भएको छ भने मूल्य आम्दानी अनुपात ११.५२ गुणा रहेको छ। त्यसैगरी, बैंकको कोषको लागत ७.८६ प्रतिशत, आधार दर १०.३५ प्रतिशत र स्प्रेड दर ४.७६ प्रतिशत रहेको छ।
