गुराँस लघुवित्त वित्तीय संस्थाको कम्पनी विश्लेषण

Aug 08, 2020 11:55 AM Merolagani

यस साताको फ्लोरसिट विश्लेषण गर्दा मोस्ट पपुलर बाइ स्टकमध्येको एक गुराँस लघुवित्त वित्तीय संस्था लिमिटेड (GLBSL) हो। साताको अन्तिम कारोबार दिन अर्थात साउन २२ गते ८४ रुपैयाँ बढेर ९२४ रुपैयाँमा अन्तिम कारोबार भएको थियो।

सो दिन लघुवित्तको शेयरमूल्यले हरियो मैनबत्ती बनाएको छ। यसले बजारमा बिक्रीकर्तामा खरिदकर्ता हाबी भएको संकेत गर्दछ।

बिहीबार लघुवित्त शेयर अधिकतममा ९२४ रुपैयाँमा कारोबार भएको थियो भने न्यूनतममा ८११ रुपैयाँसम्म कारोबार भएको छ।

सो दिन लघुवित्तको ५ दिने ईएमए र २० दिने ईएमए बीचको दूरी केही बढेको छ। यसले लगानीकर्ताहरु लघुवित्तको शेयरमूल्य बढ्ने अपेक्षामा रहेको संकेत गर्दछ।

आगामी साता लघुवित्तको शेयरमूल्य ओरालो लागेमा ७६० रुपैयाँमा टेवा पाउने सम्भावना रहेको छ। यदि लघुवित्तको शेयरमूल्य उकालो लाग्ने भने १ हजार रुपैयाँमा प्रतिरोधको सामना गर्ने देखिन्छ।

यस साता यस लघुवित्तको औषतमा ६९२ कित्ता शेयर खरिदबिक्री भएको थियो। पछिल्लो २० दिनमा यस लघुवित्तको औषतमा १ हजार ८२१ कित्ता शेयर कारोबार भएको थियो।

यस लघुवित्तले गत आर्थिक वर्षको तेस्रो त्रैमाससम्ममा २० लाख ८१ हजार रुपैयाँ खुद नाफा कमाउन सफल भएको थियो। ८ करोड ३४ लाख रुपैयाँ चुक्ता पूँजी भएको यस लघुवित्तको जगेडा कोषमा १ करोड ६७ लाख १९ हजार रुपैयाँ सञ्चित छ। सो अवधिसम्ममा लघुवित्तले ३ करोड रुपैयाँ खुद ब्याज आम्दानी र ३२ लाख ७७ हजार रुपैयाँ सञ्चालन मुनाफा आर्जन गरेको छ।

चैत मसान्तसम्ममा लघुवित्तको प्रतिशेयर आम्दानी ३ रुपैयाँ ३३ पैसा रहेको छ। त्यसैगरी, साउन २२ गतेको अन्तिम कारोबार मूल्य अनुसार लघुवित्तको मूल्य आम्दानी अनुपात २७७.४८ गुणा रहेको छ। लघुवित्तको बुकभ्यालु १२० रुपैयाँ ५ पैसा रहेको छ भने प्राइस टु बुकभ्यालु रेसियो ७.७ गुणा रहेको छ। लघुवित्तको आरओई अर्थात इक्विटीमा प्रतिफल २.७७ प्रतिशत रहेको छ।

पछिल्लो कारोबार दिन अनुसार लघुवित्तको १४ दिने आरएसआई न्यूट्रल जोन अर्थात ५७.७८ स्केलमा रहेको छ। यसले बजारमा खरिदबिक्रीको चाप सन्तुलनमा रहेको संकेत गर्दछ।

नेप्सेमा लघुवित्तको हाल ८ लाख ३४ हजार कित्ता शेयर सूचीकृत छ। पछिल्लो पटक लघुवित्तको शेयर प्रतिकित्ता ९२४ रुपैयाँमा अन्तिम कारोबार भएको थियो। यस अनुसार लघुवित्तको कुल बजार पूँजीकरण ७७ करोड ६ लाख १६ हजार रुपैयाँ रहेको छ। लघुवित्तको १८० दिनको औषत मूल्य ७६० रुपैयाँ ८९ पैसा रहेको छ। त्यसैगरी, पछिल्लो ५२ हप्ताको उच्च मूल्य १ हजार १२ रुपैयाँ रहेको छ भने न्यून मूल्य ३७५ रुपैयाँ रहेको छ।

‘फियर एण्ड ग्रीड’ मिटरमा लघुवित्त अहिले ‘ग्रीड’ जोनमा रहेको छ। अघिल्लो साता पनि यो ‘ग्रीड’ जोनमा नै रहेको थियो। यसले लगानीकर्ताहरु लघुवित्तको शेयरमूल्य बढ्ने अपेक्षामा खरिद गरिरहेको संकेत गर्दछ।

(नोटः उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताहरु लगानीको निर्णय गर्नुअघि थप विश्लेषण गर्नु जरुरी छ।)


comments powered by Disqus

थप एक हजार २०७ जनामा कोरोना संक्रमण पुष्टि, एक हजार १४७ जना डिस्चार्ज

Sep 26, 2020 05:13 PM

शनिबार देशभरमा एक हजार २०७ जनामा कोरोना संक्रमण पुष्टि भएको छ । हालसम्म नेपालमा कुल कोरोना संक्रमितको संख्या ७१ हजार ८२१ पुगेको छ । जसमध्ये सक्रिय संक्रमित १८ हजार ३४१ जना छन् ।