निष्क्रिय कर्जा बढ्दा आरम्भ चौतारीको खुद नाफामा दबाब

Aug 10, 2020 07:09 AM Merolagani

गत असार २२ गतेदेखि दुई संस्था मर्ज भई एकीकृत कारोबार शुरु गरेको आरम्भ चौतारी लघुवित्त वित्तीय संस्था लिमिटेड (ACLBSL) ले गत आर्थिक वर्षको चौथो त्रैमासिक वित्तीय विवरण प्रकाशित गरेको छ। सो अवधिसम्ममा लघुवित्तको अधिकांश सूचकमा सामान्य सुधार भएको देखिएको छ।

गत असार मसान्तसम्ममा लघुवित्तले ३ करोड २२ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा १२.९४ प्रतिशत बढी हो। अघिल्लो आर्थिक वर्षको सोही अवधिसम्ममा लघुवित्तले २ करोड ८५ लाख रुपैयाँ खुद नाफा कमाएको थियो। खुद ब्याज आम्दानी उल्लेख्य बढेपनि निष्क्रिय कर्जा बढेसँगै सम्भावित जोखिम बापतको व्यवस्थामा धेरै रकम छुट्याउनु परेका कारण लघुवित्तको खुद नाफामा केही दबाब पुगेको हो।

समीक्षा अवधिमा लघुवित्तको खुद ब्याज आम्दानी ९७.२१ प्रतिशत बढेर १८ करोड ७९ लाख रुपैयाँ पुगेको छ। त्यसैगरी, लघुवित्तको सञ्चालन मुनाफा समीक्षा अवधिमा ११.२९ प्रतिशत बढेर ५ करोड ७ लाख रुपैयाँ पुगेको छ। सम्भावित जोखिम बापतको व्यवस्थामा बढी रकम छुट्याउँदा लघुवित्तको सञ्चालन मुनाफा प्रभावित भएको हो।

अघिल्लो आर्थिक वर्षको असार मसान्तसम्ममा ०.५१ प्रतिशत रहेको लघुवित्तको निष्क्रिय कर्जा गत आर्थिक वर्षको सोही अवधिसम्ममा बढेर १.४४ प्रतिशत पुगेको छ। निष्क्रिय कर्जा बढेसँगै लघुवित्तले सम्भावित जोखिम बापतको व्यवस्थामा ४ करोड २० लाख रुपैयाँ छुट्याएको छ। अघिल्लो आर्थिक वर्षमा लघुवित्तले यस्तो व्यवस्थाबापत १ करोड १३ लाख रुपैयाँ मात्र छुट्याएको थियो।

२६ करोड ३४ लाख रुपैयाँ चुक्ता पूँजी रहेको यस लघुवित्तको जगेडा कोषमा ७ करोड २ लाख रुपैयाँ सञ्चित छ। अघिल्लो आर्थिक वर्षमा लघुवित्तको जगेडा कोषमा १ करोड २ लाख रुपैयाँ सञ्चित थियो। सो अवधिसम्ममा लघुवित्तले ८८ करोड ५७ लाख निक्षेप र १ अर्ब ४२ करोड ४४ लाख रुपैयाँ सापटीबाट २ अर्ब ५१ करोड ५९ लाख रुपैयाँ कर्जा लगानी गरेको छ।

असार मसान्तसम्ममा लघुवित्तको प्रतिशेयर आम्दानी १२.२५ रुपैयाँ रहेको छ भने मूल्य आम्दानी अनुपात ३८.११ गुणा रहेको छ। त्यसैगरी, लघुवित्तको प्रतिशेयर नेटवर्थ ११५.९८ रुपैयाँ रहेको छ।


comments powered by Disqus

थप एक हजार २०७ जनामा कोरोना संक्रमण पुष्टि, एक हजार १४७ जना डिस्चार्ज

Sep 26, 2020 05:13 PM

शनिबार देशभरमा एक हजार २०७ जनामा कोरोना संक्रमण पुष्टि भएको छ । हालसम्म नेपालमा कुल कोरोना संक्रमितको संख्या ७१ हजार ८२१ पुगेको छ । जसमध्ये सक्रिय संक्रमित १८ हजार ३४१ जना छन् ।