सातामा साढे ८ अंक घट्यो नेप्से, कारोबार रकम पनि गिरावट

Oct 17, 2020 12:57 PM Merolagani

यस साता नेप्से परिसूचक साढे ८ अंक घटेको छ। गत साताको अन्तिम कारोबार दिन १५७१.०४ विन्दुमा बन्द भएको नेप्से यस साता ८.५८ अंक घटेर १५६२.४६ विन्दुमा झरेको छ।

यस साता सेन्सेटिभ इण्डेक्स ०.०७ अंक घटेर ३१०.०८ विन्दुमा बन्द भएको छ।

नेप्सेसँगै यस साता कारोबार रकममा पनि कमी आएको छ। यस साता केबल ९ अर्ब ८ करोड रुपैयाँ बराबरको ३ करोड ३१ लाख कित्ता शेयर खरिदबिक्री भएको छ। यस साताको कारोबार रकम गत साताको तुलनामा २०.४३ प्रतिशत कम हो भने कारोबार कित्ता ३६.४९ प्रतिशत कम हो। गत साता ११ अर्ब ४२ करोड रुपैयाँ बराबरको ५ करोड २२ लाख कित्ता शेयर खरिदबिक्री भएको थियो।

यस साता कारोबारमा आएका १२ उपसमूहका परिसूचकमध्ये ४ उपसमूहको परिसूचक बढेको छ भने बाँकी ८ उपसमूहको परिसूचक घटेको छ। यस साता विकास बैंक उपसमूहको परिसूचक सर्वाीधक ५.६३ प्रतिशत बढेको छ। त्यसैगरी, फाइनान्स उपसमूहको परिसूचक ४.७६ प्रतिशत, हाइड्रोपावर उपसमूहको २.९९ प्रतिशत र अन्य उपसमूहको ०.१६ प्रतिशत बढेको छ। कारोबारमा आएको निर्जीवन बीमा उपसमूहको परिसूचक यस साता सर्वाधिक ४.२२ प्रतिशत घटेको छ।

यस साताको मोस्ट पपुलर बाइ स्टकमा ग्लोबल आइएमई समुन्नत स्किम १, माउन्टेन हाइड्रो नेपाल, नेपाल क्रेडिट एण्ड कमर्शियल बैंक लगायतका कम्पनीहरु परेको छ। त्यसैगरी, यस साताको मोस्ट पपुलर सेल स्टकमा गुराँस लघुवित्त, आशा लघुवित्त, नेपाल एसबिआई बैंक लगायतका स्टकहरु परेका छन्।


comments powered by Disqus

कुनै कम्पनी छनौट वा लगानी गर्नुभन्दा अघि के कुरामा ध्यान दिने?

Oct 24, 2020 06:11 PM

सबिना बजगाई 

शेयर बजारमा लगानी गर्नुपूर्व लगानीकर्ताहरुले लगानी गर्न लागिएको कम्पनीको विभिन्न पक्षहरु विश्लेषण गरेर कम्पनी छनौट गर्ने गरेका छन् । जसअनुसार कोही लगानीकर्ताले इपिएसमा जोड दिएको, कसैले प्रतिशेयर आम्दानी त कसैले वितरणयोग्य मुनाफा, कसैले संचित मुनाफाका आधारमा लाभांश क्षमता हेर्दै लगानी प्राथमिकीकरण गर्दै आइरहेको पाइएको छ ।