इन्फिनिटी लघुवित्तको कम्पनी विश्लेषण

May 08, 2021 07:29 PM Merolagani

यस साता माइक्रोफाइनान्स उपसमूहको परिसूचक सर्वाधिक ४.६८ प्रतिशत बढेर बन्द भएको छ। गत साता ५२१८.५२ विन्दुमा बन्द भएको यस उपसमूहको परिसूचक २४३.९८ अंक बढेर ५४६२.५० विन्दुमा बन्द भएको छ।

इन्फिनिटी लघुवित्त वित्तीय संस्था लिमिटेड (ILBS) को शेयरमूल्य यस साता ९६ रुपैयाँ बढेको छ। गत साता १७०२ रुपैयाँमा अन्तिम कारोबार भएको यस लघुवित्तको शेयरमूल्य यस साता बढेर १७९८ रुपैयाँमा अन्तिम कारोबार भएको छ।

यस अनुसार आगामी साता लघुवित्तको शेयरमूल्य उकालो लागेमा १९५० रुपैयाँमा प्रतिरोधको सामना गर्ने देखिन्छ। त्यसैगरी, ओरालो लागेमा भने १७०० रुपैयाँमा टेवा पाउने देखिन्छ।

साताको अन्तिम कारोबार दिन लघुवित्तले रातो मैनबत्ती बनाएको छ। यसले सो दिन बजारमा बिक्रीकर्ता हाबी भएको संकेत गर्दछ।

यस साता लघुवित्तको ५ दिने इएमए र २० दिने इएमए बीचको दूरी फराकिलो हुँदै गएको छ। यसले लघुवित्तमा बाइङ्ग मोमेन्टम बलियो रहेको संकेत गर्दछ।

शेयरमूल्यसँगै लघुवित्तको भोल्यूम पनि बढेको छ। यस साता लघुवित्तको १३ हजार ९८५ कित्ता शयर खरिदबिक्री भएको छ। यससँगै लघुवित्तको २० दिने औषत भोल्यूम ११ हजार ३६८ कित्ता पुगेको छ। लघुवित्तको २० दिने औषत भोल्यूमको तुलनामा दैनिक औषत भोल्यूम २३.०२ प्रतिशत बढी हो।

लघुवित्तले चालु आर्थिक वर्षको तेस्रो त्रैमाससम्ममा १० करोड ४७ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा १८६.३० प्रतिशत बढी हो। खुद ब्याज आम्दानी बढेसँगै अन्य आम्दानी बढेको र खराब कर्जा उठाउन सफल भएका कारण खुद नाफामा उल्लेख्य सुधार देखिएको हो।

समीक्षा अवधिमा लघुवित्तको खुद ब्याज आम्दानी ८६.१५ प्रतिशत बढेको छ भने सञ्चालन मुनाफा १६३.२४ प्रतिशत बढेको छ। सो अवधिसम्ममा लघुवित्तले १ करोड ३३ लाख रुपैयाँ खराब कर्जा उठाउन सफल भएको छ।

खुद नाफासँगै लघुवित्तको प्रतिशेयर आम्दानी पनि बढेको छ। समीक्षा अवधिमा लघुवित्तको प्रतिशेयर आम्दानी ३२ रुपैयाँ १९ पैसा बढेको छ। सो अवधिसम्ममा लघुवित्तको प्रतिशेयर नेटवर्थ १५६ रुपैयाँ १८ पैसा पुगेको छ। साताको अन्तिम कारोबार मूल्यका आधारमा लघुवित्तको मूल्य आम्दानी अनुपात ३३.५६ गुणा रहेको छ। सो दिन लघुवित्तको १४ दिने आरएसआई ६१.७८ स्केल अर्थात न्यूट्रल जोनमा रहेको छ। यसले लघुवित्तमा शेयर खरिदबिक्री चाप सन्तुलनमा रहेको संकेत गर्दछ। प्राविधिक विश्लेषणका अन्य उपकरणमा लघुवित्तको शेयरमूल्य बुलिश प्रवृत्तिमा रहेको संकेत गर्दछ।

नेप्सेमा लघुवित्तको २६ लाख ६ हजार ५०० कित्ता शेयर सूचीकृत छ। लघुवित्तको १८० दिने औषत मूल्य १३३२ रुपैयाँ ८७ पैसा रहेको छ। लघुवित्तको ५२ हप्ताको उच्च मूल्य १८८० रुपैयाँ रहेको छ भने न्यून मूल्य ५९५ रुपैयाँ रहेको छ। साताको अन्तिम कारोबार दिनको अन्तिम मूल्यका आधारमा लघुवित्तको कुल बजार पूँजीकरण ४ अर्ब ६८ करोड ६४ लाख ८७ हजार रुपैयाँ पुगेको छ।