यस साता हाइड्रोपावर उपसमूहको परिसूचक ८.३७ प्रतिशत बढेको छ। गत साता २७५५.९३ विन्दुमा रहेको सो उपसमूहको परिसूचक यस साता २३०.७१ अंक बढेर २९८६.६४ विन्दुमा पुगेको छ।

सोही उपसमूहमध्येको एक कम्पनीको हो, अरुण भ्याली हाइड्रोपावर डेभलपमेन्ट कम्पनी लिमिटेड (AHPC)।

यस साता कम्पनीको शेयरमूल्य २८ रुपैयाँ ३० पैसा बढेको छ। गत साताको अन्तिम कारोबार दिन ४२९ रुपैयाँ ८० पैसामा कारोबार भएको यस कम्पनीको शेयर, यस साता ४५८ रुपैयाँ १० पैसामा अन्तिम कारोबार भएको छ।

यस अनुसार आगामी दिन कम्पनीको शेयरमूल्य उकालो लागेमा ५२० रुपैयाँमा प्रतिरोधको सामना गर्ने देखिन्छ। त्यसैगरी, कम्पनीको शेयरमूल्य ओरालो लागेमा ४०० रुपैयाँमा टेवा पाउने देखिन्छ।

यस साता कम्पनीको ५ दिने इएमए २० दिने इएमएभन्दा माथि रहेको छ। र यी दुई बीचको दूरी बढ्दै गएको छ। यसले बजारमा कम्पनीको शेयरमा बाइङ्ग मोमेन्टम बलियो हुँदै गएको संकेत गर्दछ।

शेयरमूल्यसँगै यस साता कम्पनीको भोल्यूम पनि बढेको छ। यस साता कम्पनीको दैनिक औषतमा १ लाख ७८ हजार १७८ कित्ता शेयर खरिदबिक्री भएको छ। यससँगै कम्पनीको २० दिने औषत भोल्युम १ लाख ७७ हजार ९३९ कित्ता रहेको छ। २० दिने औषत भोल्युमको तुलनामा दैनिक औषत भोल्युम ०.१३ प्रतिशत बढी हो।

कम्पनीले चालु आर्थिक वर्षको पहिलो त्रैमाससम्ममा ५ करोड २७ लाख ८८ हजार रुपैयाँ खुद नाफा आर्जन गरेको छ। गत आर्थिक वर्षको सोही अवधिसम्ममा कम्पनीले ३ करोड ३२ लाख ५२ हजार रुपैयाँ खुद नाफा आर्जन गरेको थियो।

सो अवधिसम्ममा कम्पनीले विद्युत बिक्रीबापत १ करोड ८५ लाख ३९ हजार रुपैयाँ आम्दानी गरेको छ। गत आर्थिक वर्षको सोही अवधिसम्ममा कम्पनीले १ करोड ३२ लाख ९१ हजार रुपैयाँ यस्तो आम्दानी गरेको थियो।

कम्पनीले गत आर्थिक वर्षको मुनाफाबाट १० प्रतिशत बोनस शेयर वितरण गर्ने घोषणा गरेको थियो। बोनस शेयर वितरणपश्चात कम्पनीको चुक्ता पूँजी १ अर्ब ७२ करोड ९५ लाख ९५ हजार रुपैयाँ पुग्नेछ। असार मसान्तसम्ममा कम्पनीको जगेडा कोषमा २८ करोड ६६ लाख २१ हजार रुपैयाँ सञ्चित छ।

समायोजित चुक्ता पूँजीका आधारमा कम्पनीको वार्षिक प्रतिशेयर आम्दानी १२ रुपैयाँ २१ पैसा रहेको छ। गत साताको अन्तिम कारोबार मूल्यका आधारमा कम्पनीको मूल्य आम्दानी अनुपात ३७.५२ गुणा रहेको छ। कम्पनीको बुकभ्यालु ११६ रुपैयाँ ५७ पैसा रहेको छ भने प्राइस टु बुकभ्यालु रेशियो ३.९३ गुणा रहेको छ। कम्पनीको आरओई १०.४७ प्रतिशत रहेको छ।

यस साताको अन्तिम कारोबार दिन कम्पनीको आरएसआई ५७.२२ स्केल अर्थात न्यूट्रल जोनमा रहेको छ। यसले कम्पनीको शेयर खरिदबिक्री चाप सन्तुलनमा रहेको संकेत गर्दछ। प्राविधिक विश्लेषणका अन्य उपकरणहरुमा कम्पनीको शेयर बुलिश प्रवृत्तिमा रहेको देखिन्छ।

हाल नेप्सेमा कम्पनीको १ करोड ७२ लाख ९५ हजार ९५० कित्ता शेयर सूचीकृत छ। गत बिहीबार कम्पनीको शेयर प्रतिकित्ता ४५८ रुपैयाँ १० पैसामा अन्तिम कारोबार भएको थियो। यस अनुसार कम्पनीको कुल बजार पूँजीकरण ७ अर्ब ९२ करोड ३२ लाख ७४ हजार ६९५ रुपैयाँ रहेको छ।

कम्पनीको पछिल्लो ५२ हप्ताको उच्च मूल्य ७८५ रुपैयाँ रहेको छ भने न्यून मूल्य २२३ रुपैयाँ रहेको छ। कम्पनीको १८० दिने औषत मूल्य ५१६ रुपैयाँ ६४ पैसा रहेको छ।

फियर एण्ड ग्रीड मिटरमा कम्पनी अहिले फियर जोनबाट न्यूट्रल जोनतर्फ गइरहेको छ। यसले कम्पनीको शेयरमा खरिदबिक्री सामान्य हुँदै गएको संकेत गर्दछ।

(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)