नेपाल एसबिआईको ऋणपत्रमा आवेदन दिने म्याद पुनः थप

Jul 12, 2022 08:39 AM Merolagani

नेपाल एसबिआई बैंक लिमिटेड (SBI) ले असार २२ गतेदेखि निष्काशन तथा बिक्री खुला गरेको वार्षिक १०.२५ प्रतिशत ब्याजदर पाइने ऋणपत्रमा आवेदन दिन म्याद पुनः थप भएको छ। बैंकले यस अघि असार २६ गते निष्काशन बन्द हुने भनिएको ‘नेपाल एसबिआई बैंक ऋणपत्र २०८३’, सो दिन बकर इदका सार्वजनिक बिदा परेका कारण निष्काशन अवधि एक दिनका थप गरेको थियो।

निष्काशन अवधिभर पूर्ण आवेदन नपरेका कारण बैंकले ऋणपत्रमा आवेदन दिने म्याद पुनः थप गरेको हो। सो ऋणपत्रमा अब साउन ४ गतेसम्म अवोदन दिन सकिनेछ।

बैंकले प्रतिकित्ता १ हजार रुपैयाँ अंकित मूल्यका ३ अर्ब रुपैयाँ बराबरको ३० लाख कित्ता ऋणपत्र निष्काशन गरेको हो। सोमध्ये ४० प्रतिशत अर्थात १ अर्ब २० करोड रुपैयाँ बराबरको १२ लाख कित्ता सर्वसाधारणलाई बिक्री गरिनेछ भने बाँकी ६० प्रतिशत अर्थात १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बिक्री गरिने बैंकले जनाएको छ। सो ऋणपत्रमा कुनै पनि सामूहिक लगानी कोषले आवेदन दिएका छैनन्।

सो ऋणपत्र खरिदका लगानीकर्ताले न्यूनतम २५ कित्तादेखि अधिकतम १२ लाख कित्ताका लागि आवेदन दिन सक्नेछन्।

बैंकको ऋणपत्र निष्काशन तथा बिक्री प्रबन्धक सानिमा क्यापिटल लिमिटेड रहेको छ। लगानीकर्ताले सी आस्बा सदस्य बैंक तथा वित्तीय संस्था र तिनका शाखा कार्यालयहरुबाट सो ऋणपत्र खरिदका लागि आवेदन दिन सक्नेछन्।

ऋणपत्र निष्काशनका लागि गराएको क्रेडिट रेटिङ्गमा इक्रा नेपालले बैंकलाई इक्रा एनपी इस्यूअर रेटिङ्ग डबल ए रेटिङ्ग प्रदान गरेको छ। यसले वित्तीय दायित्व समयमा नै पूरा गर्न सक्ने सम्बन्धमा उच्च मात्रामा सुरक्षित रहेको संकेत गर्दछ।

comments powered by Disqus

नेपाल एसबिआई बैंकले तीन अर्बको ऋणपत्र निष्काशन गर्ने

Apr 17, 2024 06:32 AM

नेपाल इन्भेष्टमेण्ट मेगा बैंकको ऋणपत्रमा आवेदन दिने आज अन्तिम दिन

Feb 16, 2024 06:41 AM

एनएमबि लघुवित्तले पनि लाभांश वितरण नगर्ने

Feb 14, 2024 10:07 AM

नेपाल इन्भेष्टमेण्ट मेगा बैंकको ऋणपत्र निष्काशन तथा बिक्री खुला

Feb 13, 2024 06:31 AM

फागुन १ गतेदेखि ऋणपत्र निष्काशन गर्दै नेपाल इन्भेष्टमेण्ट मेगा बैंक

Feb 05, 2024 07:00 AM

नबिल बैंकको ऋणपत्रमा आवेदन दिने आज अन्तिम दिन

Dec 19, 2023 09:01 AM

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।