टेवा क्षेत्र नजिक
यस साताको अन्तिम कारोबार दिन बैंकको शेयरमूल्य टेवा क्षेत्र नजिक बन्द भएको छ। हाल बैंकको टेवा क्षेत्र ३०० देखि ३१० सम्म रहेको छ। आगामी दिनमा बैंकको शेयरमूल्य बढेमा ३६० देखि ३७५ को क्षेत्रमा प्रतिरोधको सामना गर्ने देखिन्छ।
बिक्रीकर्ता हाबी
यस साता साप्ताहिक रुपमा बैंकको शेयरमूल्यले लामो टुप्पी र छोटो पुच्छर भएको रातो मैनबत्ती बनाएको छ। यसले सो साता बजारमा बैंकको शेयरमा बिक्रीकर्ता हाबी भएको संकेत गर्दछ। यद्यपि, साताको अन्तिम कारोबार दिन भने बैंकको शेयरमूल्यले लामो टुप्पी भएको हरियो मैनबत्ती बनाएको छ। यसले सो दिन खरिदकर्ता बलियो रहेको संकेत गर्दछ।
एआई सिग्नल
मेरोलगानी एआई चार्टले बैंकको शेयरमा गत बुधबार बाइ सिग्नल दिएको थियो। एआईले ३१० रुपैयाँमा बैंकको शेयर खरिद गर्ने सिग्नल दिएको हो। सो सिग्नलको सेल रेञ्ज ३६० देखि ३७५ सम्म रहेको छ। मेरोलगानी एआईले हालसम्म बैंकको शेयरमा ९ पटक सिग्नल दिइसकेको छ। जसमध्ये ६ वटामा लगानीकर्ताहरुले नाफा कमाएका थिए भने दुई वटामा स्टप लस गर्नु परेको थियो।
औषतभन्दा बढी भोल्यूम
यस साता बैंकको दैनिक औषत भोल्यूम २० दिने औषत भोल्यूमभन्दा बढी रहेको छ। यस साता बैंकको दैनिक औषतमा ४ लाख ९७ हजार ५९५ कित्ता शेयर खरिदबिक्री भएको छ। साताको अन्तिम कारोबार दिन बैंकको २० दिने औषत भोल्यूम ४ लाख ९५ हजार ५१६ कित्ता रहेको छ। २० दिने औषत भोल्यूमको तुलनामा यस साताको दैनिक औषत भोल्यूम ०.४१ प्रतिशत बढी हो।
बियरिश प्रवृत्ति
यस साता बैंकको एमएसिडी रेखा सिग्नल रेखाभन्दा तल रहेको छ। त्यस्तै, बैंकको हिस्टोग्राम पनि नकारात्मक क्षेत्र रहेको छ। यसले बजारमा बैंकको शेयरमूल्य बियरिश प्रवृत्तिमा रहेको संकेत गर्दछ। यद्यपि, एमएसिडी रेखा र सिग्नल रेखा बिचको दूरी साँघुरो रहेको छ भने हिस्टोग्रामको उचाई पनि छोटो रहेको छ। आगामी दिनमा एमएसिडी रेखाले सिग्नल रेखालाई तलबाट काटेर माथि लागेमा र हिस्टोग्राम सकारात्मक क्षेत्रमा बढेमा, त्यसले बैंकको शेयरमूल्य बढ्ने संकेत गर्दछ।
खरिदबिक्री चाप सन्तुलनमा
यस साता बैंकको स्टकास्टिक आरएसआई न्यूट्रल जोनमा रहेको छ। यसले सो साता बैंकको शेयरमा खरिदबिक्री चाप सन्तुलनमा रहेको संकेत गर्दछ।
वित्तीय अवस्था
गत आर्थिक वर्षको असार मसान्तसम्ममा बैंकले ३ अर्ब ७७ करोड रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा २६७.१९ प्रतिशत बढी हो। अघिल्लो आर्थिक वर्षको सोही अवधिसम्ममा बैंकले १ अर्ब २ करोड रुपैयाँ खुद नाफा कमाएको थियो।
खुद ब्याज आम्दानी सामान्य बढेपनि इम्पेरमेन्ट चार्ज घटेका कारण बैंकको खुद नाफा उल्लेख्य बढ्न पुगेको हो।
समीक्षा अवधीमा बैंकको खुद ब्याज आम्दानी १२.१६ प्रतिशत बढेको छ भने खुद फि तथा कमिशन आम्दानी ३१.४५ प्रतिशत बढेको छ। त्यस्तै, बैंकको कुल सञ्चालन आम्दानी १५.५३ प्रतिशत र सञ्चालन मुनाफा १७७.३१ प्रतिशत बढेको छ।
१९ अर्ब ४० करोड रुपैयाँ चुक्ता पूँजी रहेको यस बैंकको जगेडा कोषमा ११ अर्ब ५२ करोड रुपैयाँ सञ्चित छ। समीक्षा अवधिमा बैंकको निक्षेप २१.३६ प्रतिशत बढेको छ भने कर्जा १८.५८ प्रतिशत बढेको छ।
नाफासँगै बैंकको प्रतिशेयर आम्दानी पनि बढेको छ। समीक्षा अवधिमा बैंकको यस्तो आम्दानी १४ रुपैयाँ १५ पैसा बढेर १९ रुपैयाँ ४५ पैसा पुगेको छ। असार मसान्तसम्ममा बैंकको प्रतिशेयर नेटवर्थ १५९ रुपैयाँ ४१ पैसा रहेको छ। सो अवधिसम्ममा बैंकको वितरणयोग्य मुनाफा भने १ अर्ब १९ करोड रुपैयाँ र वितरणयोग्य प्रतिशेयर आम्दानी ६ रुपैयाँ १८ पैसा रहेको छ।
साताको अन्तिम कारोबार मूल्यका आधारमा बैंकको मूल्य आम्दानी अनुपात १६.०९ गुणा रहेको छ भने प्राइस टु बुकभ्यालु रेशियो १.९६ गुणा रहेको छ।
आधारभूत विश्लेषण
नेपाल स्टक एक्सचेञ्ज (नेप्से) मा हाल बैंकको १९ करोड ४० लाख २५ हजार ७५७.१६ कित्ता शेयर सूचीकृत छ। बैंकको १८० दिने औषत मूल्य २१५ रुपैयाँ ८१ पैसा रहेको छ। त्यसैगरी, बैंकको ५२ हप्ताको उच्च मूल्य ३२९ रुपैयाँ रहेको छ भने न्यून मूल्य १७६ रुपैयाँ रहेको छ। साताको अन्तिम कारोबार मूल्यका आधारमा बैंकको कुल बजार पूँजीकरण ६० अर्ब ७३ करोड ६१ हजार ९९१ रुपैयाँ ८ पैसा रहेको छ।
ब्रोकर ४५ बाट सर्वाधिक खरिद
यस साता ब्रोकर नम्बर ४५ ले बैंकको सबैभन्दा बढी शेयर खरिद गरेको छ। सो ब्रोकरले यस साता बैंकको १ लाख २० हजार ३४६ कित्ता शेयर खरिद गरेको छ। त्यसैगरी, यस साता ब्रोकर नम्बर ५८ ले बैंकको ८२ हजार ३१० कित्ता शेयर खरिद गरेको छ। बैंकको शेयर सर्वाधिक बिक्री गर्ने ब्रोकर भने ४४ नम्बर रहेको छ। सो बैंकले यस साता बैंकको १ लाख ५ हजार ८९० कित्ता शेयर बिक्री गरेको छ।
एक्सट्रीम ग्रीड जोन
फियर एण्ड ग्रीड मिटरमा बैंकको शेयर अहिले एक्सट्रिम ग्रीड जोनमा रहेको छ। यसले बजारमा लगानीकर्ताहरु बैंकको शेयरमूल्य अझै बढ्छ भन्ने अपेक्षामा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
