यस साता कम्पनीको शेयरमूल्य १० रुपैयाँ १० पैसा बढेको छ। गत साता ५२५ रुपैयाँमा अन्तिम कारोबार भएको यस कम्पनीको शेयर, यस साता ५३५ रुपैयाँ १० पैसामा अन्तिम कारोबार भएको छ।
प्रतिरोध परीक्षण गरी फर्कियो
यस साता कम्पनीको शेयरमूल्यले ५६५ देखि ५९५ को प्रतिरोध क्षेत्र परीक्षण गरी फर्किएको हो। साताको पहिलो कारोबार दिन कम्पनीको शेयरमूल्य उच्च बढेर सो क्षेत्रमा पुगेको थियो। सोपश्चात भने कम्पनीको शेयरमूल्य निरन्तर घट्दो क्रममा रहेको छ। आगामी कारोबार दिनमा पनि कम्पनीको शेयरमूल्य ओरालो लागेमा ४२० देखि ४४० को क्षेत्रमा टेवा पाउने देखिन्छ।
रिभर्सलको संकेत
साताको अन्तिम कारोबार दिन कम्पनीको शेयरमूल्यले इन्भर्टेड ह्यामर मैनबत्ती बनाएको छ। त्यसैगरी, साप्ताहिक रुपमा पनि कम्पनीको शेयरमूल्यले सोही मैनबत्ती बनाएको छ। यसले आगामी दिनमा कम्पनीको शेयरमूल्य रिभर्स हुने संकेत गर्दछ।
एआई सिग्नल
मेरोलगानी एआई चार्टले हालसम्म कम्पनीको शेयरमा १० वटा सिग्नल दिइसकेको छ। ती १० वटै सिग्नलबाट लगानीकर्ताहरुले नाफा कमाएका थिए। हाल एआईले कम्पनीको शेयरमा कुनै सिग्नल दिएको छैन।
बलियो भोल्यूम
यस साता कम्पनीको भोल्यूम पनि बलियो रहेको छ। यस साता दैनिक औषतमा कम्पनीको ७९ हजार ५८१ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ३८ हजार ७२ कित्ता रहेको छ। २० दिने औषत भोल्यूमको तुलनामा कम्पनीको दैनिक औषत भोल्यूम १०९.०२ प्रतिशत बढी हो।
बुलिश प्रवृत्ति
यस साता कम्पनीको शेयरमूल्य बुलिश प्रवृत्तिमा रहेको छ। कम्पनीको एमएसिडी रेखा सिग्नल रेखाभन्दा माथि रहेको छ। त्यसैगरी, कम्पनीको हिस्टोग्राम र एमएसिडी रेखा शून्य रेखाभन्दा माथि रहेको छ। यद्यपि, साताको अन्तिम कारोबार दिन एमएसिडी रेखा र सिग्नल रेखाबीचको दूरी घटेको छ भने हिस्टोग्रामको उचाई पनि घटेको छ।
खरिदबिक्री चाप सन्तुलनमा
साताको अन्तिम कारोबार दिन कम्पनीको स्टकास्टिक आरएसआई न्यूट्रल जोनमा रहेको छ। यसले बजारमा कम्पनीको शेयरमा खरिदबिक्री चाप सन्तुलनमा रहेको संकेत गर्दछ।
वित्तीय अवस्था
चालु आर्थिक वर्षको पहिलो ३ महिनासम्ममा कम्पनीले विद्युत बिक्री मार्फत ३ करोड १ लाख ४५ हजार रुपैयाँ आम्दानी गरेको छ। गत आर्थिक वर्षको सोही अवधिसम्ममा कम्पनीले ३ करोड ४८ लाख रुपैयाँ खुद नाफा कमाएको थियो।
विद्युत बिक्री आम्दानी घटेपनि कम्पनीको खुद नाफा भने समीक्षा अवधिमा बढेको छ। समीक्षा अवधिमा कम्पनीको खुद नाफा १ करोड ५ लाख ६४ हजार रुपैयाँबाट बढेर १ करोड ७२ लाख रुपैयाँ पुगेको छ। कम्पनीको वित्तीय खर्च घटेसँगै खुद नाफा बढ्न पुगेको हो।
समीक्षा अवधिमा कम्पनीको वित्तीय खर्च १ करोड ८ लाख ४४ हजार रुपैयाँबाट घटेर ७६ लाख २५ हजार रुपैयाँमा सीमित भएको छ। त्यसैगरी, कम्पनीको कुल नाफा समीक्षा अवधिमा ३ करोड ६ लाख रुपैयाँबाट घटेर २ करोड ५७ लाख रुपैयाँमा झरेको छ।
६३ करोड २६ लाख रुपैयाँ चुक्ता पूँजी रहेको यस कम्पनीको जगेडा कोषमा १ करोड ३४ लाख रुपैयाँ सञ्चित छ।
पहिलो त्रैमासको अन्त्यसम्ममा कम्पनीको प्रतिशेयर आम्दानी १० रुपैयाँ ८८ पैसा रहेको छ भने प्रतिशेयर नेटवर्थ १०२ रुपैयाँ १२ पैसा रहेको छ। यस साताको अन्तिम कारोबार मूल्य आधारमा कम्पनीको मूल्य आम्दानी अनुपात ४९.१८ गुणा रहेको छ भने प्राइस टु बुकभ्यालु रेशियो ५.२४ गुणा रहेको छ।
आधारभूत विश्लेषण
हाल नेप्सेमा कम्पनीको ६३ लाख २६ हजार कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण ३ अर्ब ३८ करोड ५० लाख ४२ हजार ६०० रुपैयाँ रहेको छ। कम्पनीको १८० दिने औषत मूल्य ५०७ रुपैयाँ २३ पैसा रहेको छ। त्यसैगरी, कम्पनीको ५२ हप्ताको उच्च मूल्य ६८३ रुपैयाँ ४० पैसा रहेको छ भने न्यून मूल्य २५५ रुपैयाँ रहेको छ।
ब्रोकर ४२ बाट सर्वाधिक खरिद
यस साता ब्रोकर नम्बर ४२ ले कम्पनीको सबैभन्दा बढी शेयर खरिद गरेको छ। यस साता सो ब्रोकरले कम्पनीको २३ हजार ८०५ कित्ता शेयर खरिद गरेको छ। यता ब्रोकर नम्बर ५८ ले यस साता कम्पनीको सबैभन्दा बढी ३१ हजार ४७७ कित्ता शेयर बिक्री गरेको छ।
न्यूट्रल जोनमा
फियर एण्ड ग्रीड मिटरमा कम्पनीको शेयरमूल्य अहिले न्यूट्रल जोनमा रहेको छ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
