गत साता ५ कारोबार दिनमध्ये दुई कारोबार दिन नेप्से बढेको थियो भने तीन कारोबार दिन घटेको थियो। सो साताको सोमबार, नेप्से परिसूचक १२७ अंक बढेर बन्द भएको थियो भने मंगलबार सामान्य अंक बढेको थियो।
टेवा क्षेत्र नजिक
गत साताको अन्तिम कारोबार दिन नेप्से टेवा क्षेत्र नजिक बन्द भएको छ। हाल नेप्सेको टेवा क्षेत्र २६०० देखि २६९० सम्म रहेको छ। यस साताको अन्तिम कारोबार दिन नेप्सेले सोही क्षेत्रमा टेवा पाएर फर्किएको देखिन्छ। आगामी दिनमा नेप्से उकालो लागेमा भने २९५० देखि ३०५० को क्षेत्रमा प्रतिरोधको सामना गर्ने देखिन्छ।
रिभर्सलको संकेत
साताको अन्तिम कारोबार दिन नेप्सेले ह्यामर मैनबत्ती बनाएको छ। यसले आगामी दिनमा बजार रिभर्स हुने संकेत गर्दछ। यद्यपि, साप्ताहिक रुपमा भने नेप्सेले लामो टुप्पी र छोटो पुच्छर भएको रातो मैनबत्ती बनाएको छ। यसले सो साता बजारमा बिक्रीकर्ता हाबी रहेको संकेत गर्दछ।
एआई सिग्नल
मेरोलगानी एआई चार्टले गत साताको अन्तिम कारोबार दिन नेप्सेमा बाई सिग्नल दिएको छ। एआईले २६९० विन्दु वरिपरि बाइ सिग्नल दिएको हो। हालसम्म एआईले नेप्सेमा ८ बाई सिग्नल दिइसकेको छ। जसमध्ये सबै सफल भएका छन्।
कमजोर भोल्यूम
नेप्सेसँगै गत साता भोल्यूम पनि कमजोर रहेको छ। गत साता नेप्सेमा दैनिक औषतमा ११ अर्ब ९६ करोडको शेयर खरिदबिक्री भएको थियो। साताको अन्तिम कारोबार दिन नेप्सेको २० दिने औषत भोल्यूम १९ अर्ब ३ करोड रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ३७.१५ प्रतिशत कम हो।
बियरिश प्रवृत्ति
गत साता नेप्सेको एमएसिडी रेखा, सिग्नल रेखाभन्दा तल रहेको छ। त्यसका साथै नेप्सेको हिस्टोग्राम पनि नकारात्मक क्षेत्रमा रहेको छ। यसले गत साता नेप्से बियरिश प्रवृत्तिमा रहेको संकेत गर्दछ।
खरिदबिक्री चाप सन्तुलनमा
स्टकास्टिक आरएसआईमा गत साता नेप्से परिसूचक न्यूट्रल जोनमा रहेको छ। यसले गत साता बजारमा खरिदबिक्री चाप सन्तुलनमा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
