प्राइमरी अपट्रेण्ड सपोर्ट लाइनः चार्टमा एउटा राम्रोसँग डीफाइन गरिएको अपट्रेण्ड लाइन देखाइएको छ, जुन कैयौं पटक बलियो टेवाको रूपमा काम गर्दै आएको छ। यस लाइनबाट लघुवित्तको मूल्य धेरै पटक माथि फर्केको छ, जसले यो टेवा बलियो भएको देखाउँछ।
सपोर्ट जोनः लघुवित्तको शेयरमूल्यमा ९५० देखि ९८० को आसपास एक टेवा क्षेत्र छ, जुन प्राइमरी ट्रेण्डलाइनसँग जोडिन्छ। यसप्रकारको अवस्थालाई प्राविधिक विश्लेषणमा संगम विन्दु भनिन्छ। लघुवित्तको शेयरमूल्य हाल सो टेवा क्षेत्रको नजिक छ, जसले पुनः रिभर्सल हुनसक्ने सम्भावना देखाउँछ।
रेसिस्टेन्स जोनः
R1: ११५० देखि ११८०ः टेवा क्षेत्रबाट उकालो लागेपछि लघुवित्तको शेयरमूल्यले सामना गर्नसक्ने यो पहिलो प्रतिरोध क्षेत्र हो।
R2: १४०० देखि १४७०ः यो उच्च प्रतिरोध क्षेत्र हो। लघुवित्तको शेयरमूल्यले पहिलो प्रतिरोध क्षेत्र तोडेर उकालो लागेमा यो क्षेत्र महत्त्वपूर्ण लक्ष्य क्षेत्र हो।
फिबोनाची एक्सटेन्सनः फिबोनाची एक्सटेन्सन टुलले १४६७.५३ को लक्ष्य देखाउँछ, जुन आर २ क्षेत्रसंग मिलिरहेको छ। यसले लघुवित्तको शेयरमूल्य आर १ प्रतिरोध तोडेको खण्डमा संभावित दोश्रो लक्ष्यलाई देखाउँछ।
भोल्युम विश्लेषणः भोल्युम थोरै घटेको देखिन्छ, जसले सम्भावित ब्रेकआउट अघि समायोजनको सङ्केत दिन सक्छ।
खरीद सिफारिसः
प्रवेश विन्दुः ९५० देखि ९८० को टेवा क्षेत्रमा खरिद गर्न विचार गर्न सक्नुहुन्छ। यो क्षेत्र प्राइमरी अपट्रेण्ड सपोर्ट लाइनसँग मेल खाँदैछ, जसले राम्रो रिस्क – रिवार्ड अनुपात प्रदान गर्दछ।
लक्ष्य स्तरः
पहिलो लक्ष्य R1: ११५० देखि ११८०
दोस्रो लक्ष्य R2: १४०० देखि १४७०
स्टप–लसः लगानीकर्ताले टेवा क्षेत्रभन्दा तल अर्थात ९०० मा स्टप–लस राख्न सक्नेछन्। यो स्तर ट्रेण्डलाइन टेवाभन्दा तल छ, जसले ट्रेण्ड असफल भएमा सम्भावित नोक्सानलाई न्यूनिकरण गर्छ।
सारसंक्षेपः
लघुवित्तको शेयर हाल ९५० देखि ९८० को बलियो टेवा क्षेत्रमा कारोबार भइरहेको छ, जुन लामो समयको अपट्रेण्ड लाइनसँग मेल खाँदैछ। यसले ११५० देखि ११८० को क्षेत्र र अझै १४०० देखि १४७० सम्मको सम्भावित वृद्धिको अवसर दिन्छ। ब्रेकआउट पुष्टि गर्न भोल्युमको वृद्धिमा ध्यान दिनुपर्नेछ।
वित्तीय अवस्था
गत आर्थिक वर्षको असार मसान्तसम्ममा लघुवित्तले १३ करोड २५ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ७३.७५ प्रतिशत बढी हो। अघिल्लो आर्थिक वर्षको सोही अवधिसम्ममा लघुवित्तले ७ करोड ६२ लाख रुपैयाँ खुद नाफा कमाएको थियो।
लघुवित्तको खुद ब्याज आम्दानी र सञ्चालन मुनाफा बढेसँगै खुद नाफा बढ्न पुगेको हो।
समीक्षा अवधिमा लघुवित्तको खुद ब्याज आम्दानी १७.६० प्रतिशत र कुल सञ्चालन आम्दानी २२.९७ प्रतिशत बढेको छ। त्यस्तै, लघुवित्तको सञ्चालन मुनाफा १४०.२६ प्रतिशत बढेको छ। सो अवधिमा लघुवित्तको इम्पेरमेन्ट चार्ज ५ करोड ५८ लाख रुपैयाँबाट बढेर ५ करोड ८६ लाख रुपैयाँ पुगेको छ।
गत आर्थिक वर्षको अन्त्यसम्ममा लघुवित्तको वितरणयोग्य मुनाफा ८ करोड ८३ लाख रुपैयाँ रहेको छ।
६७ करोड ११ रुपैयाँ चुक्ता पूँजी रहेको यस लघुवित्तको जगेडा कोषमा ३६ करोड ५२ लाख रुपैयाँ सञ्चित छ। असार मसान्तसम्ममा लघुवित्तले ३ अर्ब ८५ करोड ८८ लाख रुपैयाँ सापटी र ३ अर्ब ७३ करोड ३५ लाख रुपैयाँ निक्षेपबाट ८ अर्ब ७ करोड १३ लाख रुपैयाँ कर्जा लगानी गरेको छ।
नाफासँगै लघुवित्तको प्रतिशेयर आम्दानी पनि बढेको छ। समीक्षा अवधिमा लघुवित्तको यस्तो आम्दानी ७ रुपैयाँ ५९ पैसा बढेर १९ रुपैयाँ ७५ पैसा पुगेको छ। असार मसान्तसम्ममा लघुवित्तको प्रतिशेयर नेटवर्थ १५४ रुपैयाँ ५२ पैसा रहेको छ भने प्रतिशेयर वितरणयोग्य आम्दानी १३ रुपैयाँ १६ पैसा रहेको छ। साताको अन्तिम कारोबार मूल्य अनुसार लघुवित्तको मूल्य आम्दानी अनुपात ४८.९३ गुणा र प्राइस टु बुकभ्यालु रेशियो ६.२६ गुणा रहेको छ।
आधारभूत विश्लेषण
नेपाल स्टक एक्सचेञ्ज (नेप्से) मा हाल लघुवित्तको ६७ लाख ११ हजार ४९.९३ कित्ता शेयर सूचीकृत छ। लघुवित्तको १८० दिने औषत मूल्य ८४६ रुपैयाँ ८६ पैसा रहेको छ। त्यसैगरी, लघुवित्तको ५२ हप्ताको उच्च मूल्य १ हजार २५० रुपैयाँ रहेको छ भने न्यून मूल्य ५४१ रुपैयाँ रहेको छ। साताको अन्तिम कारोबार मूल्यका आधारमा लघुवित्तको कुल बजार पूँजीकरण ६ अर्ब ४८ करोड ५५ लाख ५८ हजार ६५२ रुपैयाँ ३५ पैसा रहेको छ।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले लघुवित्तको सबैभन्दा बढी शेयर खरिद गरेको छ। सो ब्रोकरले यस साता लघुवित्तको २३ हजार ४१८ कित्ता शेयर खरिद गरेको छ। त्यसैगरी, यस साता ब्रोकर नम्बर ६२ ले लघुवित्तको ११ हजार कित्ताभन्दा बढी शेयर खरिद गरेको छ। लघुवित्तको शेयर सर्वाधिक बिक्री गर्ने ब्रोकर ५८ नै रहेको छ। यस साता सो ब्रोकरले लघुवित्तको ३० हजार २०० कित्ता शेयर बिक्री गरको छ।
मूल्य बढ्ने अपेक्षा कम हुँदै
फियर एण्ड ग्रीड मिटरमा लघुवित्तको शेयर अहिले ग्रीड जोनबाट बिस्तारै न्यूट्रल जोनतर्फ झरिरहेको छ। यसले बजारमा लगानीकर्ताहरुमाझ लघुवित्तको शेयरमूल्य बढ्छ भन्ने अपेक्षा केही घटेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
