गत आर्थिक वर्षको अन्त्यसम्ममा इन्स्योरेन्सले ७१ करोड ३१ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिका तुलनामा ३.६३ प्रतिशत बढी हो। अघिल्लो आर्थिक वर्ष इन्स्योरेन्सले ६८ करोड ८१ लाख रुपैयाँ खुद नाफा कमाएको थियो।
समीक्षा अवधिमा इन्स्योरेन्सको खुद आर्जित बीमाशुल्क ११.५८ प्रतिशत बढेको छ भने कुल आम्दानी २.०६ प्रतिशत बढेको छ। इन्स्योरेन्सको खुद दाबी समीक्षा अवधिमा ५.२९ प्रतिशत र कुल खर्च ३.३६ प्रतिशत घटेको छ।
नाफासँगै इन्स्योरेन्सको प्रतिशेयर आम्दानी पनि सामान्य बढेको छ। समीक्षा अवधिमा इन्स्योरेन्सको यस्तो आम्दानी ८९ पैसा बढेर २५ रुपैयाँ ४१ पैसा रहेको छ। गत असार मसान्तसम्ममा इन्स्योरेन्सको मूल्य आम्दानी अनुपात ३३.०७ गुणा रहेको छ भने प्रतिशेयर नेटवर्थ २७४ रुपैयाँ ५६ पैसा रहेको छ।
२ अर्ब ८० करोड रुपैयाँ चुक्ता पूँजी रहेको यस इन्स्योरेन्सको विशेष जगेडामा २ अर्ब ५० करोड रुपैयाँ, महाविपत्ती कोषमा २२ करोड ४३ लाख रुपैयाँ, रिटेन्ड अर्निङ्गमा ९६ करोड ५० लाख रुपैयाँ र अन्य इक्विटीमा १ अर्ब २१ करोड रुपैयाँ रहेको छ।
