लिग चरणमा १० अंक बटुलेपनि काठमान्डू गोर्खाज नेट रनरेटका आधारमा तेस्रो भएको हो। यता लिग चरणको ७ खेलमध्ये ४ खेलमा जित हासिल गरेर ८ अंक जोड्दै लुम्बिनी लायन्स, चौथो स्थानमा रहन सफल भएको हो।
समूहचरणमा यी दुई टोली बीच भएको खेलमा काठमान्डू गोर्खाजले लुम्बिनी लायन्सलाई २२ रनले पराजित गरेको थियो। २० ओभरमा ८ विकेट गुमाउँदै १५७ रन बनाएको काठमान्डूले लुम्बिनीलाई ५ बल बाँकी रहँदा अलआउट गर्दै १३५ रनमा रोकेको थियो।
आजको खेलमा विजेता टोली दोस्रो क्वालिफायरमा विराटनगर किंग्सको सामना गर्नेछ। उक्त खेलमा जित्ने टोलीले फाइनलमा सुदूरपश्चिमको सामना गर्नेछ। पहिलो क्वालिफायरमा जित हासिल गर्दै सुदूरपश्चिम रोयाल्स फाइनलमा पुगेसँगै पराजित टोली विराटनगर दोस्रो क्वालिफायरमा पुगेको हो।
