कम्पनीले सर्वसाधारणमा वितरण गरेको १३ लाख ७५ हजार कित्ता र संस्थापकहरुले लगानी गरेको ४१ लाख २५ हजार कित्ता गरी कुल ५५ लाख कित्ता शेयर गत जेठ ८ गते, शुक्रबार नेप्सेमा सूचीकृत भएको थियो। यस अनुसार हिजो अर्थात जेठ ११ गते, सोमबारको स्पेशल प्रि ओपन सेसनमा कम्पनीको पहिलो कारोबार हुनु पर्ने थियो। तर, सो दिन कारोबार म्याचिङ्ग नभएका कारण पहिलो कारोबार हुन सकेन। फलस्वरुप पहिलो कारोबार आज भएको हो।
नेप्सेले कम्पनीलाई १०० रुपैयाँदेखि ३०० रुपैयाँसम्मको ओपनिङ्ग रेञ्ज प्रदान गरेको थियो। सोही रेञ्जका आधारमा यस दिन स्पेशल प्रि ओपन सेसनमा कम्पनीको पहिलो कारोबार भएको हो। कम्पनीको शेयर केएचपीएल टिकरमा कारोबार भएको हो।
