बजेट अभावमा कर्मचारीको तलब, सामाजिक सुरक्षा भत्ता र विकासका योजनाहरू ठप्प भएपछि मन्त्रालयले सहसचिवको नेतृत्वमा एक्सन टोली पठाउने निर्णय गरेको हो । टोलीमा प्रधानमन्त्री तथा मन्त्रिपरिषद्को कार्यालय, राष्ट्रिय सतर्कता केन्द्र र नेपाल नगरपालिका संघका प्रतिनिधिहरू समेत सहभागी हुनेछन् । यसले यो भ्रमण केवल सामान्य समन्वय मात्र नभई सुशासन कायम गराउने कडा कदमको रूपमा हेरिएको छ ।
यो टोलीले धनुषाको कमला नगरपालिका तथा रौतहटका गरुडा, फतुवा विजयपुर र मौलापुर नगरपालिकामा पुगेर जनप्रतिनिधि र सरोकारवालासँग आमनेसामने छलफल गर्नेछ । लामो समयदेखि देखिएको गतिरोध अन्त्य गरी तत्काल बजेट ल्याउने वातावरण बनाउन टोलीले स्थलगत सहजीकरण गर्ने मन्त्रालयको भनाइ छ ।
