बाढीका कारण तल्लो तटमा रहेका जलविद्युत आयोजनाहरू बगाएको र मानव बस्तीमा समेत पानी पसेको छ । नेपाली क्षेत्रमा बाढी आउने गरी वर्षा नभएकाले यो बाढी चीनतर्फको क्षेत्रबाटै आएको हो।
बाढीले पुर्याएको क्षतिको यकिन विवरण आउन बाँकी छ। उद्धार र निरीक्षणका लागि नेपाली सेनाको हेलिकप्टर घटनास्थलतर्फ पठाइएको छ। भौगोलिक विकटता र सञ्चार अवरोधका कारण विस्तृत विवरण सङ्कलनमा केही कठिनाइ भइरहेको प्रशासनले जनाएको छ।
बाढीका कारण रसुवाको टिमुरे बजारक्षेत्र बगाएको र तटीय क्षेत्रका घर तथा वस्तीहरुमा ठूलो क्षति पुर्याएको छ ।
