यस अघि प्रत्येक पटक लाभांस बितरण गर्ने समयमा सुचिकृत कम्पनीहरुले सूचना निकाल्ने गरेका थिए । यति मात्र नभई कागजी प्रमाणपत्र धारण गरेका लगानीकर्ताका लागि बोनस सेयर पनि कागजी बनाउनु पर्ने अवस्था थियो ।
यहि अवस्थालाई मध्यनजर गर्दै नबिल बैंकले आफ्ना लगानीकर्ताहरुलाई भौतिक रुपमा बोनस तथा लाभांस पूर्जा बितरण नगर्ने भन्दै कडा सूचना प्रवाह गरेको छ ।
बैंकले भौतिक सेयर भएका लगानीकर्तालाई अनिवार्य रुपमा डिम्याट खाता सञ्चालन गरी सेयर अभौतिक गराउन आग्रह गरेको छ । सेयरधनीले कागजी सेयर प्रमाणपत्र अभौतिक नबनाएसम्म लगानीकर्ताको हातमा बोनस सेयर नपर्ने निश्चित भएको छ । बैंकले गत आर्थिक वर्षमा ३० प्रतिशत बोनस बितरण गरेको थियो ।
त्यसै गरी बैंकले नगद लाभांस पनि भौतिक रुपमा बितरण नगर्ने भएको छ । बैंकले अभौतिक सेयर हुनेहरुलाई आफ्नो बिक्री प्रबन्धक नबिल इन्भेष्टमेण्टमा बैंक खाता उपलब्ध गराउन भनेको छ । अभौतिक सेयर भएका लगानीकर्तालाई बैंकले आफ्नो डिम्याट खातामा नेपाल क्लियरिंग हाउसको सदस्य रहेको बैंकमा रहेको सक्रिय खाता नम्बर अद्यावधिक गराउन भनेको छ । लगानीकर्ताले यसरी विबरण अद्यावधिक नगराएसम्म नगद लाभांस प्राप्त गर्न नसक्ने बैंकले सूचना मार्फत प्रष्ट पारेको छ । बैंकले गत आर्थिक वर्षको कमाईबाट लगानीकर्तालाई बोनस सेयर सहित १८ प्रतिशत नगद लाभांस बितरण गरेको थियो ।
बैंकका अनुसार अभौतिक सेयर धारण गरी बैंक खाताको पर्याप्त विबरण उपलब्ध गराएका सेयरधनीको खातामा लाभांस रकमान्तर गरिसकिएको जनाएको छ । बोनस सेयरको हकमा भने नेप्सेमा सेयर सूचिकरण भए पश्चात सेयर लगानीकर्ताको डिम्याट खातामा जम्मा गरिने बैंकले जनाएको छ ।
अझै पनि केही कम्पनीहरुले यो व्यवस्थालाई अनिवार्य गर्न सक्ने अवस्था छैन । तर अब अनिवार्य नगरी पनि सुख नहुने
भएकाले सबै संस्थाहरुले यस्तै कडा सूचना प्रवाह गर्ने पक्का छ । तसर्थ लगानीकर्ताहरुले अनिवार्य रुपमा सबै कागजी सेयर डिम्याट गराउनु उचित हुन्छ । यसले हुने फाइदा पनि स्वयं लगानीकर्तालाई नै हो ।
गत आर्थिक वर्षको कमाईबाट सबै सुचिकृत कम्पनीहरुले धमाधम बोनस तथा नगद लाभांस बितरण गरिरहेका छन् । अत केन्द्रीय निक्षेप प्रणालीमा निक्षेप सदस्य रहेका ५ दर्जन वित्तीय संस्थाहरु मध्ये कुनै एकमा गएर डिम्याट खाता खोल्न अनि सेयर डिम्याट गराउन सकिने व्यहोरा मेरोलगानी परिवार पनि आग्रह गर्दछ । यहाँ गएर निक्षेप सदस्यहरुको सूची हेर्न सकिन्छ । सूचीमा भएका बैंकको कुनै पनि शाखाबाट यस्तो सुविधा लिन सकिन्छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
